സാനോ: ഏഷ്യന്‍ ഗെയിംസ് ക്രിക്കറ്റ് പോരിനിറങ്ങും മുന്‍പ് ഇന്ത്യന്‍ പുരുഷ ടി20 ടീം മറ്റൊരു ചരിത്ര പോരിന് ഇന്നിറങ്ങും. ഇതാദ്യമായി ഇന്ത്യയും ജപ്പാനും തമ്മില്‍ ക്രിക്കറ്റില്‍ നേര്‍ക്കുനേര്‍ വരുന്നു.

ഇന്ത്യ- ജപ്പാന്‍ ഏക ടി20 അല്‍പ്പ സമയത്തിനുള്ളില്‍. ടോസ് നേടി ഇന്ത്യ ബാറ്റിങ് തിരഞ്ഞെടുത്തു. ഇന്ത്യയെ സംബന്ധിച്ച് ഏഷ്യന്‍ ഗെയിംസിന് മുന്‍പുള്ള പരിശീലന മത്സരമെന്ന നിലയിലാണ് പോരാട്ടം. കളിക്ക് മഴ ഭീഷണിയുണ്ട്. മഴയും നനഞ്ഞ ഔട്ട് ഫീൽഡും കാരണം ഏറെ വൈകിയാണ് മത്സരം ആരംഭിക്കുന്നത്. ടോസും വൈകിയിരുന്നു.

സുസുക്കി കപ്പിനായാണ് ഒരേയൊരു ടി20യില്‍ ടീമുകള്‍ നേര്‍ക്കുനേര്‍ വരുന്നത്. ടോചികിയിലെ സാനോ അന്താരാഷ്ട്ര ക്രിക്കറ്റ് മൈതാനമാണ് ചരിത്ര പോരിന് വേദിയാകുന്നത്.

അതേസമയം മഴ കളി മുടക്കുമോ എന്ന ആശങ്ക ഇരു ടീമുകള്‍ക്കുമുണ്ട്. തിങ്കളാഴ്ച ഇരു ടീമുകള്‍ക്കും പരിശീലനത്തിന് ഇറങ്ങാന്‍ കഴിഞ്ഞിരുന്നില്ല. മഴയും നനഞ്ഞ ഔട്ട്ഫീല്‍ഡുമാണ് വില്ലനായത്.