ധരംശാല: ഏകദിന ലോകകപ്പില്‍ ന്യൂസിലന്‍ഡിനെതിരെ ടോസ് നേടിയ ഇന്ത്യ ബൗളിങ് തെരഞ്ഞെടുത്തു. തുടര്‍ച്ചയായി നാലു കളികള്‍ ജയിച്ച ഇരുടീമുകളും തമ്മിലുള്ള പോരാട്ടത്തെ ഏറെ ആകാംക്ഷയോടെയാണ് ആരാധകര്‍ ഉറ്റുനോക്കുന്നത്. മത്സരം തീപാറുമെന്നാണ് പ്രവചനം.

കഴിഞ്ഞ മത്സരത്തില്‍ നിന്ന് വ്യത്യസ്തമായി രണ്ടു മാറ്റങ്ങളുമായാണ് ഇന്ത്യ ഇന്ന് കളത്തില്‍ ഇറങ്ങുന്നത്. പരിക്കേറ്റ ഹര്‍ദിക് പാണ്ഡ്യയ്ക്കും ശാര്‍ദുല്‍ ഠാക്കൂറിന് പകരം സൂര്യകുമാര്‍ യാദവും മുഹമ്മദ് ഷമിയും കളിക്കും. അഞ്ചു ബൗളര്‍മാരാണ് ഇന്ത്യന്‍ നിരയില്‍ ഉണ്ടാവുക.

രോഹിത് നയിക്കുന്ന ശക്തമായ ബാറ്റിങ്ങ് നിരയിലാണ് ഇന്ത്യയുടെ പ്രതീക്ഷ. രോഹിതും കോഹ് ലിയും രാഹുലും ശ്രേയസും ഗില്ലും ഫോമില്‍ ആണ് എന്നത് ആത്മവിശ്വാസം നല്‍കുന്നു. കഴിഞ്ഞ മത്സരത്തിലെ അതേ ടീമിനെയാണ് ന്യൂസിലന്‍ഡ് കളത്തില്‍ ഇറക്കുക.

ഈ വാര്‍ത്ത കൂടി വായിക്കൂ

ഭാഗ്യം തുണച്ചില്ല; നോര്‍ത്ത് ഈസ്റ്റിനെതിരെ ബ്ലാസ്‌റ്റേഴ്‌സിന് സമനില 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ