റൊസോ: ഇന്ത്യ- വെസ്റ്റ് ഇൻഡീസ് ആദ്യ ടെസ്റ്റിന് തുടക്കം. ടോസ് നേടിയ വിൻഡീസ് ബാറ്റിങ് തെരഞ്ഞെടുത്തു. ഇന്ത്യന്‍ ടീമില്‍ യശസ്വി ജയ്‌സ്വാളും ഇഷാന്‍ കിഷനും അരങ്ങേറ്റം കുറിച്ചു. മുൻനിര പേസർമാരില്ലാതെയാണ് ഇന്ത്യ കളത്തിൽ ഇറങ്ങിയ‌ത്.
വിൻഡീസ് ക്യാപ്റ്റൻ ക്രെയ്ഗ് ബ്രാത്വെയ്റ്റും മുന്‍താരം ശിവ്‌നരെയ്ന്‍ ചന്ദര്‍പോളിന്റെ മകന്‍ തഗെനരെയ്ന്‍ ചന്ദര്‍പോളു ആണ് ബാറ്റിങ് ഓപ്പൺ ചെയ്തത്. 12 റൺസിൽ തഗെനരെയ്ന്‍റെ വിക്കറ്റ് നഷ്ടപ്പെട്ടു. അശ്വിനാണ് വിക്കറ്റ് വീഴത്തിയത്. റെയ്മൺ റെയ്ഫറാണ് ക്രെയ്ഗിനൊപ്പം ക്രീസിൽ ഉള്ളത്.
19 മത്സരങ്ങളുടെമാത്രം അനുഭവമുള്ള മുഹമ്മദ് സിറാജാണ് പേസ് നിരയെ നയിക്കുന്നത്. വിന്‍ഡീസില്‍ ഇതിനുമുമ്പ് ഇങ്ങനെയൊരു പരീക്ഷണം ഇന്ത്യ നടത്തിയിട്ടില്ല. പരിചയസമ്പത്തില്ലായ്മയ്ക്കൊപ്പം പ്രധാനകളിക്കാരുടെ പരിക്കും തിരിച്ചടിയാണ്. ഇന്ത്യയുടെ സ്പിന്‍ സഖ്യം പരിചയസമ്പത്തുള്ളതാണ്. ആര്‍ അശ്വിനും, രവീന്ദ്ര ജഡേജയും നയിക്കുന്നു.
സീനിയർ താരങ്ങളായ ക്യാപ്റ്റൻ രോഹിത് ശർമ, വൈസ് ക്യാപ്റ്റൻ അജിൻക്യ രഹാനെ, വിരാട് കോലി എന്നിവരുടെ സാന്നിധ്യം ഇന്ത്യൻ ബാറ്റിങ്ങിനു കരുത്തു പകരും. റൂസോയിലെ വിൻസർ പാർക്കിലാണ് മത്സരം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates