റാഞ്ചി: ഈ വർഷം അരങ്ങേറുന്ന പാരിസ് ഒളിംപിക്സ് പോരാട്ടത്തിൽ ഇന്ത്യയുടെ വനിതാ ഹോക്കി ടീം കളിക്കില്ല. ഒളിംപിക്സ് യോ​ഗ്യതാ ടൂർണമെന്റിൽ ഇന്ത്യൻ വനിതകൾ കരുത്തരായ ജപ്പാനോടു തോൽവി വഴങ്ങി. മറുപടിയില്ലാത്ത ഒറ്റ ​ഗോളിനാണ് ഇന്ത്യ കീഴടങ്ങിയത്.

കഴിഞ്ഞ രണ്ട് ഒളിംപിക്സുകളിലും ഇന്ത്യൻ വനിതാ ടീം കളിച്ചിരുന്നു. 36 വർഷത്തോളം ഇന്ത്യക്ക് യോ​ഗ്യത നേടാൻ സാധിരുന്നില്ല. അതിനു ശേഷമാണ് 2016 റിയോ ഒളിംപിക്സിൽ ഇന്ത്യൻ ടീം യോ​ഗ്യത നേടിയത്. റിയോയിൽ 12ാം സ്ഥാനത്തായിരുന്നു ഇന്ത്യ. എന്നാൽ കഴിഞ്ഞ തവണ മികച്ച പ്രകടനത്തോടെ നാലാം സ്ഥാനവുമായാണ് ഇന്ത്യ മടങ്ങിയത്. 

ഇന്ത്യക്കെതിരെ കന ഉരാറ്റയാണ് ജപ്പാന് വിജയ ​ഗോൾ സമ്മാനിച്ചത്. ടൂർണമെന്റിലെ ആദ്യ മൂന്ന് സ്ഥാനക്കാർക്കാണ് ഒളിംപിക്സ് യോ​ഗ്യത. ജർമനി, ജപ്പാൻ ടീമുകൾ ആദ്യം തന്നെ ബർത്ത് ഉറപ്പിച്ചു. പിന്നാലെയാണ് ജപ്പാന്റെ സ്ഥാനക്കയറ്റം. 

ഈ വാർത്ത കൂടി വായിക്കൂ

അടുത്ത 5 കൊല്ലവും 'ടാറ്റ' ഐപിഎൽ തന്നെ; സ്പോൺസർഷിപ്പ് പുതുക്കി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ