വിരാട് കോഹ് ലിയും രോഹിത് ശര്‍മയും 
Sports

സൂപ്പര്‍ സെവനില്‍ ആരാകും എതിരാളികള്‍; ലോകകപ്പില്‍ ഇന്ത്യയുടെ മത്സരങ്ങള്‍ അറിയാം; പ്രതീക്ഷയില്‍ ആരാധകര്‍

57 മത്സരങ്ങള്‍ അടങ്ങിയ ടൂര്‍ണമെന്റ് ഒക്ടോബര്‍ 2-ന് ആരംഭിക്കും

Author : സമകാലിക മലയാളം ഡെസ്ക്
Edited By : Sujith

ന്യൂഡല്‍ഹി: 2027 ഐസിസി ഏകദിന ലോകകപ്പിനുള്ള മത്സരക്രമങ്ങള്‍ പ്രഖ്യാപിച്ചു. ഒക്ടോബര്‍ - നവംബര്‍ മാസങ്ങളിലായി ദക്ഷിണാഫ്രിക്ക, നമീബിയ, സിംബാബ്വെ എന്നിവിടങ്ങളിലായാണ് ലോകകപ്പ് നടക്കുക. 57 മത്സരങ്ങള്‍ അടങ്ങിയ ടൂര്‍ണമെന്റ് ഒക്ടോബര്‍ 2-ന് ആരംഭിക്കും. നിലവിലെ ചാമ്പ്യന്മാരായ ഓസ്ട്രേലിയയ്ക്കെതിരെ കേപ് ടൗണിലെ ന്യൂലാന്‍ഡ്സില്‍ ഒക്ടോബര്‍ 7-നാണ് ഇന്ത്യയുടെ ആദ്യ മത്സരം. രണ്ട് ദിവസങ്ങള്‍ക്ക് ശേഷം, ജോഹന്നാസ്ബര്‍ഗിലെ വാണ്ടറേഴ്സില്‍ വെച്ച് ഇന്ത്യ തങ്ങളുടെ ചിരവൈരികളായ പാകിസ്ഥാനെ നേരിടും.

പാകിസ്ഥാന്‍, ഓസ്ട്രേലിയ, സിംബാബ്വെ, അഫ്ഗാനിസ്ഥാന്‍, ക്വാളിഫയര്‍ എ എന്നിവര്‍ക്കൊപ്പം ഗ്രൂപ്പ് എ-യിലാണ് ഇന്ത്യ ഉള്‍പ്പെട്ടിരിക്കുന്നത്. ഗ്രൂപ്പ് ബിയില്‍ സഹ-ആതിഥേയരായ ദക്ഷിണാഫ്രിക്ക, ഇംഗ്ലണ്ട്, ന്യൂസീലന്‍ഡ്, ശ്രീലങ്ക, ബംഗ്ലദേശ് എന്നിവര്‍ക്കൊപ്പം രണ്ടാം ക്വാളിഫയര്‍ വിജയിക്കുന്ന ടീമും മത്സരിക്കും. രണ്ടു ഗ്രൂപ്പുകളില്‍ നിന്നുമായി ഏറ്റവും മികച്ച ഏഴു ടീമുകള്‍ 'സൂപ്പര്‍ സെവന്‍' ഘട്ടത്തിലേക്ക് യോഗ്യത നേടും. അതില്‍ നിന്ന് ഏറ്റവും മികച്ച നാല് ടീമുകളായിരിക്കും സെമിഫൈനലിലേക്ക് പ്രവേശിക്കുക.

ഇന്ത്യയും പാകിസ്ഥാനും ഒരേ ഗ്രൂപ്പില്‍ വന്നതോടെ അടുത്ത വര്‍ഷം നടക്കുന്ന ലോകകപ്പില്‍, ഇരുടീമുകളും പരസ്പരം മൂന്നു തവണ വരെ ഏറ്റുമുട്ടാനുള്ള സാധ്യതയാണ് തെളിഞ്ഞിരിക്കുന്നത്. ഗ്രൂപ്പ് ഘട്ടത്തില്‍ ഒരു തവണ, പിന്നീട് സൂപ്പര്‍ സെവനില്‍ ഒരു പ്രാവശ്യം, അതിനുശേഷം സെമിഫൈനലിലോ ഫൈനലിലോ വീണ്ടും ഇരുടീമുകളും നേര്‍ക്കുനേര്‍ വന്നേക്കാം. 2027 ഒക്ടോബര്‍ 10, ഞായറാഴ്ചയാണ് ഇന്ത്യയും പാകിസ്ഥാനും തമ്മിലുള്ള ഗ്രൂപ്പ് മത്സരം.

ഒക്ടോബര്‍ 31: ദക്ഷിണാഫ്രിക്ക - ഇന്ത്യ - ഉച്ചയ്ക്ക് 1:30 - ജോഹന്നാസ്ബര്‍ഗ്

നവംബര്‍ 4: ഇന്ത്യ -ന്യൂസിലാന്‍ഡ് - ഉച്ചയ്ക്ക് 1:30 - പാള്‍

നവംബര്‍ 7: ഇന്ത്യ - പാകിസ്ഥാന്‍- ഉച്ചയ്ക്ക് 1:30 - കേപ് ടൗണ്‍

നവംബര്‍ 10: ഇന്ത്യ - യോഗ്യത നേടുന്ന ടീം- ഉച്ചയ്ക്ക് 1:30 - ഗെബര്‍ഹ

നവംബര്‍ 14: ഇന്ത്യ - ഇംഗ്ലണ്ട് ഉച്ചയ്ക്ക് 1:30 - ഡര്‍ബന്‍

നവംബര്‍ 17: സെമി ഫൈനല്‍ 1 - കേപ് ടൗണ്‍

നവംബര്‍ 18: സെമി ഫൈനല്‍ 2 - ഷ്വാനെ

നവംബര്‍ 21: ഫൈനല്‍ - ജോഹന്നാസ്ബര്‍ഗ്

India's 2027 ODI World Cup schedule: All fixtures, potential Super 7s opponents, venues and timings

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മെസിയുടെ പേരില്‍ തട്ടിപ്പ്: മുന്‍മന്ത്രി അബ്ദുറഹിമാനെ പ്രതി ചേര്‍ക്കാന്‍ ഉത്തരവ്

Today's Rashi Phalam November 17 | സാമ്പത്തിക ബാധ്യതകൾ ക്രമീകരിക്കാൻ അവസരം, യാത്രയിൽ ജാഗ്രത പുലർത്തുക

'ജയിലില്‍നിന്ന് ജീവനോടെ തിരിച്ചെത്തിയേക്കില്ല'; ഹൃദയാഘാതത്തിനും സ്‌ട്രോക്കിനും സാധ്യതയെന്ന് ഇമ്രാന്‍ ഖാന്‍

വെള്ളായണിയില്‍ പറമ്പില്‍ കുഴിച്ചിട്ട നിലയില്‍; ചാല സ്വര്‍ണക്കവര്‍ച്ചയില്‍ കൂടുതല്‍ സ്വര്‍ണം കണ്ടെത്തി

രാജീവും സോണിയയും ആദ്യമായി കണ്ടുമുട്ടിയ റെസ്റ്റോറന്റില്‍ കാമുകിക്കൊപ്പം രാഹുല്‍ ഗാന്ധി; 'പക്ഷേ, ആ ഭക്ഷണം നിരാശപ്പെടുത്തി'