ആംസ്റ്റല്വീന്: ഹോക്കി ലോകകപ്പില് ഇന്ത്യക്ക് നിരാശ. പുരുഷ ഹോക്കിയില് വിജയം അനിവാര്യമായ പോരാട്ടത്തില് ഇന്ത്യ കരുത്തരായ നെതര്ലന്ഡിനോട് 3-1നു പരാജയപ്പെട്ടു. ഇന്ത്യയുടെ സെമി സാധ്യതകളും ഇതോടെ തുലാസിലായി.
കളിയുടെ അവസാന ഘട്ടത്തിലാണ് മത്സരത്തിലെ നാല് ഗോളുകളും വന്നത്. 41ാം മിനിറ്റില് ടെല്ഗെന്കാംപ്, 51ല് ഹൊഡെമേകേഴ്സ് എന്നിവര് ഡച്ച് സംഘത്തിനായി സ്കോര് ചെയ്തു. ഇന്ത്യയുടെ ആശ്വാസ ഗോള് 52ാം മിനിറ്റില് വന്നു. പെനാല്റ്റി കോര്ണര് വലയിലാക്കി ഹര്മന്പ്രീത് ഇന്ത്യക്ക് ഒരു ഗോള് മടക്കുകയായിരുന്നു.
പിന്നാലെ 55ാം മിനിറ്റില് തിജാസ് വാന് ഡാമിലൂടെ മൂന്നാം ഗോള് നെതര്ലന്ഡ്സ് സ്വന്തമാക്കിയതോടെ ഇന്ത്യയുടെ തിരിച്ചുവരവ് മോഹങ്ങള് പാഴായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates