ഗയാന: അണ്ടര്‍ 19 ലോകകപ്പില്‍ ജയത്തോടെ തുടങ്ങി ഇന്ത്യ. സൗത്ത് ആഫ്രിക്കയെ 45 റണ്‍സിന് തോല്‍പ്പിച്ചാണ് ആദ്യ ജയം സ്വന്തമാക്കിയത്. 

ടോസ് നഷ്ടപ്പെട്ട് ബാറ്റിങ്ങിന് ഇറങ്ങുകയായിരുന്നു ഇന്ത്യ. 46.5 ഓവറില്‍ 232 റണ്‍സിന് ഓള്‍ഔട്ടായി. 11-2 എന്ന നിലയിലേക്ക് ഇന്ത്യ വീണെങ്കിലും മധ്യനിര കൂട്ടുകെട്ടുകള്‍ കണ്ടെത്തി ഇന്ത്യന്‍ ഇന്നിങ്‌സിനെ മുന്‍പോട്ട് കൊണ്ടുപോയി. 

നായകന്‍ യാഷ് ദുല്‍ 82 റണ്‍സ് നേടി പുറത്തായി. റണ്‍ഔട്ട് ആവുകയായിരുന്നു. എന്നാല്‍ ചെയ്‌സ് ചെയ്ത് ഇറങ്ങിയ സൗത്ത് ആഫ്രിക്ക 45.4 ഓവറില്‍ 187 റണ്‍സിന് ഓള്‍ഔട്ടായി. അഞ്ച് വിക്കറ്റ് വീഴ്ത്തിയ ഇന്ത്യയുടെ വിക്കി ഓസ്ത്വാളിന്റേയും നാല് വിക്കറ്റ് നേടിയ രാജ് ബാവമയുടേയും പ്രകടനമാണ് ഇന്ത്യക്ക് ജയം നേടിത്തന്നത്.