പുണെ: ഐപിഎൽ 15–ാം സീസണിൽ പ്ലേഓഫ് ഉറപ്പിക്കുന്ന ആദ്യ ടീമെന്ന നേട്ടം സ്വന്തമാക്കി ഹാർദിക് പാണ്ഡ്യയുടെ ‌ഗുജറാത്ത് ടൈറ്റൻസ്. ലക്നൗ സൂപ്പർ ജയന്റ്സിനെ 62 റൺസിനു തോൽപ്പിച്ചാണ് ഗുജറാത്ത് പ്ലേഓഫ് ഉറപ്പിച്ചത്. നിശ്ചിത 20 ഓവറിൽ 4 വിക്കറ്റ് നഷ്ടത്തിൽ ഗുജറാത്ത് ടൈറ്റൻസ് നേടിയത് 144 റൺസ് മറികടക്കാൻ ബാറ്റേന്തിയ ലക്നൗവിന്റെ ഇന്നിം​ഗ്സ് 13.5 ഓവറിൽ 82 റൺസിൽ അവസാനിച്ചു.

ടോസ് നേടി ബാറ്റിങ് തിരഞ്ഞെടുക്കുകയായിരുന്നു ഗുജറാത്ത് ടൈറ്റൻസ്. തുടക്കത്തിലെ തകർച്ചയ്ക്ക് പിന്നാലെ ശുഭ്മാൻ ഗില്ലിന്റെ അർധസെഞ്ച്വറിയുടെ ബലത്തിലാണ്‌ ​ഗുജറാത്ത് ഭേദപ്പെട്ട സ്‌കോർ പടുത്തുയർത്തിയത്. എന്നാൽ മറുപടി ബാറ്റിങ്ങിൽ ഗുജറാത്തിന്റെ തകർപ്പൻ ബോളിങ് പ്രകടനത്തിനു മുന്നിൽ ലക്നൗ തകർന്നടിഞ്ഞു. ദീപക് ഹൂഡയ്ക്കു മാത്രമാണ് ചെറുത്തു നിൽക്കാൻ കഴിഞ്ഞത്. 6 പന്തിൽ മൂന്നു ഫോറുകൾ സഹിതം 27 റൺസാണ് താരം നേടിയത്. ഓപ്പണർ ക്വിന്റൺ ഡികോക്കും പതിനൊന്നാമനായി എത്തിയ ആവേശ് ഖാനും മാത്രമാണ് ഹൂഡയ്ക്കു പുറമേ ലക്നൗ നിരയിൽ രണ്ടക്കം കണ്ടത്. 

3.5 ഓവറിൽ 24 റൺസു വഴങ്ങി നാലു വിക്കറ്റെടുത്ത റാഷിദ് ഖാനാണ് ലക്നൗവിനെ  ടിച്ചുകെട്ടുന്നതിൽ പ്രധാന പങ്കുവഹിച്ചത്. രണ്ട് ഓവറിൽ ഏഴു റൺസ് വഴങ്ങി രണ്ടു വിക്കറ്റെടുത്ത സായ് കിഷോറും തകർത്തു. രണ്ട് ഓവറിൽ 24 റൺസ് വഴങ്ങിയ യഷ് ദയാൽ രണ്ടും, മൂന്ന് ഓവറിൽ അഞ്ചു റൺസ് വഴങ്ങിയ മുഹമ്മദ് ഷമി ഒരു വിക്കറ്റും നേടി. ഈ വിജയത്തോടെ 12 കളികളിൽനിന്ന് 18 പോയിന്റുമായി ഒന്നാം സ്ഥാനം തിരിച്ചുപിടിച്ചാണു ഗുജറാത്ത് പ്ലേഓഫ് ഉറപ്പാക്കിയത്. 

ഈ വാര്‍ത്ത കൂടി വായിക്കാം  

ശുഭ്മാന്‍ ഗില്ലിന്റെ ഒറ്റയാള്‍ പോരാട്ടം; ലഖ്‌നൗ സൂപ്പര്‍ ജയന്റ്‌സിന് 145 റണ്‍സ് വിജയലക്ഷ്യം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

‌