ജയ്‌പൂർ: രാജസ്ഥാൻ റോയൽസിനെ 118 റൺസിൽ ഓൾഔട്ടാക്കി ഗുജറാത്ത് ടൈറ്റൻസ്. ജയം അനിവാര്യമാണെങ്കിലും 17.5 ഓവറിൽ 118 റൺസിൽ സഞ്ജുവും സംഘവും പുറത്തായി. 30 റൺസ് നേടിയ നായകൻ സഞ്ജു സാംസൺ ആണ് രാജസ്ഥാൻ നിരയിലെ ടോപ് സ്കോറർ. 

കരുതലോടെയായിരുന്നു തുടക്കമെങ്കിലും തുരുതുരാ വിക്കറ്റുകൾ വീണുതുടങ്ങിയതോടെ രാജസ്ഥാൻ ബാറ്റർമാർ ഒന്നിനുപിന്നാലെ ഒന്നായി ഡ്രസിംഗ് റൂമിലേക്ക് മടങ്ങി. എട്ട് റൺസ് നേടി ജോസ് ബട്‌ലറും 14 റൺസുമായി യശസ്വി ജയ്‌സ്വാളും മടങ്ങി. മൂന്നാമനായി ഇറങ്ങിയ സഞ്ജു ആഞ്ഞടിച്ച് പ്രതീക്ഷ നൽകിയെങ്കിലും 20പന്തിൽ മൂന്ന് ഫോറും ഒരു സിക്‌സും ഉൾപ്പടെ 30റൺസ് മാത്രമാണ് സ്കോർബോർഡിൽ ചേർക്കാനായത്. 

ദേവ്‌ദത്ത് പടിക്കൽ 12 റൺസ്, രവിചന്ദ്രൻ അശ്വിൻ 2 റൺസ്, റിയാൻ പരാഗ് 4 റൺസ്, ഷിമ്രോൻ ഹെറ്റ്‌മെയർ 7 റൺസ്, ധ്രൂവ് ജൂരെൽ 9 റൺസ്, ട്രെൻഡ് ബോൾട്ട് 15 റൺസ്, ആദം സാംപ 7 റൺസ്, സന്ദീപ് ശർമ്മ 2* എന്നിങ്ങനെയായിരുന്നു മറ്റുതാരങ്ങളുടെ പ്രകടനം.

ഈ വാര്‍ത്ത കൂടി വായിക്കൂ

"മാപ്പ്, ആ യാത്ര ഒഴിവാക്കാൻ കഴിഞ്ഞില്ല"; വിഡിയോയുമായി മെസി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ