ജയ്പുർ: ഐപിഎല്ലിൽ ലഖ്നൗ സൂപ്പർ ജയന്റ്സിനെതിരായ തങ്ങളുടെ ആദ്യ പോരാട്ടത്തിൽ തന്നെ ടോസ് നേടിയത് രാജസ്ഥാൻ റോയൽസ് നായകൻ സഞ്ജു സാംസൺ. പിന്നാലെ സഞ്ജയ് മഞ്ജരേക്കറുടെ ചോദ്യം. ടോസ് അനുകൂലമായി വരാൻ എന്തു ടെക്നിക്കാണ് ഉപയോ​ഗിക്കുന്നത് എന്നായിരുന്നു മഞ്ജരേക്കറുടെ തമാശ കലർന്ന സംശയം. ‌

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

നാണയം മുകളിലേക്ക് ടോസ് ചെയ്തതു സഞ്ജുവാണ്. ലഖ്നൗ ക്യാപ്റ്റൻ കെഎൽ രാഹുൽ ഹെഡ്സ് വിളിച്ചു. ടോസ് അനുകൂലമായി വന്നത് സഞ്ജുവിന്. പിന്നാലെയാണ് മഞ്ജരേക്കറുടെ തമാശ നിറഞ്ഞ ചോദ്യം.

ചോദ്യം കേട്ട് ചിരിച്ച സഞ്ജു, പുതിയ കോയിൻ ആയതിനാൽ വെറുതെ നോക്കുക മാത്രമാണു ചെയ്തതെന്നു മറുപടി നൽകി. ടോസ് നേടി രാജസ്ഥാൻ ബാറ്റിങ് തിരഞ്ഞെടുത്തു.