മുംബൈ: ഐപിഎല്ലില്‍ മുംബൈ ഇന്ത്യന്‍സ് അഞ്ചില്‍ നാല് മത്സരങ്ങളും തോറ്റ് നിരാശയില്‍ നില്‍ക്കുന്നു. ആരാധകര്‍ ഒട്ടും സംതൃപ്തരല്ല. അതിനൊപ്പം മുന്‍ ക്യാപ്റ്റനും ഓപ്പണിങ് ബാറ്ററുമായ രോഹിത് ശര്‍മയുടെ മികവില്ലായ്മയും ആരാധകരെ ചൊടിപ്പിക്കുന്നു.
രോഹിത് ശര്‍മ ഇനി എന്നാണ് ഫോമിലെത്താന്‍ പോകുന്നത് എന്ന ചോദ്യമാണ് ആരാധകര്‍ ഉയര്‍ത്തുന്നത്. ഡ്രസിങ് റൂമിലെ പരിച സമ്പന്നനായ മനുഷ്യന്‍ ഈ അടുത്തകാലത്ത് എങ്ങാനും ഫോമിലേക്കെത്തുമോ എന്ന ചോദ്യമാണ് ആരാധകര്‍ ഉന്നയിക്കുന്നത്.
നാല് മത്സരങ്ങളില്‍ നിന്നായി 38 റണ്‍സ് മാത്രമാണ് രോഹിത് നേടിയത്. ആദ്യ മത്സരത്തില്‍ ചെന്നൈ സൂപ്പര്‍ കിങ്‌സിനെതിരെ രോഹിത് പൂജ്യത്തിനു മടങ്ങിയിരുന്നു. ഇന്നലെ റോയല്‍ ചലഞ്ചേഴ്‌സ് ബംഗളൂരുവിനെതിരെയാണ് താരം പ്രതീക്ഷ നല്‍കിയെങ്കിലും ബാറ്റ് വീശിയത്. 9 പന്തില്‍ 17 റണ്‍സെടുത്തു. എന്നാല്‍ വലിയ സ്‌കോറിലെത്തും മുന്‍പ് യഷ് ദയാല്‍ ഹിറ്റ് മാനെ മടക്കി.
ഒരു കളിയിലും ഫോം ഇല്ലാതെ അദ്ദേഹത്തെ ഇങ്ങനെ ടീമില്‍ നിര്‍ത്തുന്നതിന്റെ ഉദ്ദേശം എന്താണ്. നിലവിലെ മുംബൈ ടീമിന്റെ പ്രശ്‌നം മര്യാദയ്ക്ക് ഓപ്പണിങ് ഇല്ല. നല്ലൊരു ഫിനിഷറും ഇല്ല എന്നതാണ്. ഒരു ആരാധകന്‍ എക്‌സില്‍ തുറന്നടിച്ചു.
മത്സരത്തിനിടെ കമന്ററി ബോക്‌സില്‍ ഇരുന്നു മുന്‍ താരങ്ങളായ ഇയാന്‍ ബിഷപ്പ്, രവി ശാസ്ത്രി എന്നിവര്‍ രോഹിതിനെ വിമര്‍ശിച്ചിരുന്നു. മുംബൈക്ക് ഈ സീസണില്‍ ഇനിയെന്തെങ്കിലും പ്രതീക്ഷ വയ്ക്കണമെങ്കില്‍ രോഹിത് മികച്ച ഇന്നിങ്‌സ് കളിക്കേണ്ടതുണ്ടെന്നു ഇരുവരും പറഞ്ഞു.
തുടക്കത്തില്‍ 12- 15 റണ്‍സെടുക്കുന്നതു കൊണ്ടു കാര്യമൊന്നുമില്ല. രോഹിത് ശര്‍മയില്‍ നിന്ന് അതില്‍ കൂടുതല്‍ റണ്‍സ് ടീം ആഗ്രഹിക്കുന്നുണ്ട്. ഇരുവരും വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates