അഹമ്മദാബാദ്: ചെന്നൈ സൂപ്പര്‍ കിങ്‌സും ഗുജറാത്ത് ടൈറ്റന്‍സും തമ്മിലുള്ള ഐപിഎല്‍ ഫൈനല്‍ പോരാട്ടം കനത്ത മഴയെ തുടര്‍ന്നു നീളുന്നു. ഇടവിട്ട് മഴ പെയ്യുന്നതിനാല്‍ ഇന്ന് 20 ഓവര്‍ മത്സരം നടക്കില്ലെന്ന് ഉറപ്പായി. ഇടയ്ക്ക് മഴ തോര്‍ന്നെങ്കിലും വീണ്ടും മഴ പൂര്‍വാധികം ശക്തിയോടെ തുടങ്ങി. 

9.45ന് തുടങ്ങാന്‍ സാധിച്ചാല്‍ 19 ഓവറും 10 മണിക്ക് തുടങ്ങുകയാണെങ്കില്‍ 17 ഓവര്‍ മത്സരം എന്നതായിരുന്നു തീരുമാനങ്ങള്‍. എന്നാല്‍ മഴ തുടരുന്നതിനാല്‍ അതൊന്നും നടക്കില്ലെന്ന് ഉറപ്പായി. ഇനി 10.30 തുടങ്ങാന്‍ സാധിച്ചാല്‍ 15 ഓവറായി ചുരുക്കിയായിരിക്കും പോരാട്ടം. 

ഇതുവരെ ടോസ് പോലും ഇടാന്‍ സാധിച്ചിട്ടില്ല. കട്ട് ഓഫ് ടൈം 12.06നാണ്. അതിനിടെ മഴ തോര്‍ന്നാല്‍ അഞ്ചോവര്‍ പോരാട്ടമോ അല്ലെങ്കില്‍ സൂപ്പര്‍ ഓവര്‍ പോരാട്ടം മാത്രമോ ആയെങ്കിലും മത്സരം നടത്താനുള്ള സാധ്യതയും നോക്കും. ഇന്ന് മത്സരം നടന്നില്ലെങ്കില്‍ റിസര്‍വ് ഡേയായ നാളെയായിരിക്കും പോരാട്ടം.

ഈ വാര്‍ത്ത കൂടി വായിക്കൂ

ജയിച്ചാല്‍ ഹര്‍ദികിന് ആറ്, ധോനിക്ക് അഞ്ച്! മത്സരിക്കുന്നത് രോഹിതിന് ഒപ്പം എത്താന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ