മുംബൈ: ഐപിഎല്ലില് നിന്നു ഇംഗ്ലണ്ട് താരങ്ങള് രാജ്യത്തിനു കളിക്കാനായി മടങ്ങി കഴിഞ്ഞു. പ്ലേ ഓഫിലേക്ക് സാധ്യതയുള്ള ടീമുകള്ക്ക് ഇംഗ്ലണ്ട് താരങ്ങളുടെ അഭാവം തിരിച്ചടിയാകും. ഇപ്പോള് താരങ്ങള്ക്കെതിരെ മുന് ഇന്ത്യന് ഓള് റൗണ്ടര് ഇര്ഫാന് പഠാന് വിമര്ശനവുമായി രംഗത്തെത്തി.
സീസണ് മുഴുവന് കളിക്കാതെ ഇംഗ്ലണ്ട് താരങ്ങള് മടങ്ങുന്നതിനെതിരെ താരം രൂക്ഷമായ പ്രതികരണമാണ് നടത്തിയത്. 'സീസണ് മുഴുവന് കളിക്കാന് നില്ക്കണം. ഇല്ല എങ്കില് ഇങ്ങോട്ട് വരരുത്'- ഇര്ഫാന് വ്യക്തമാക്കി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ടി20 ലോകകപ്പിന്റെ ഒരുക്കങ്ങളുടെ ഭാഗമായാണ് ഇംഗ്ലണ്ട് താരങ്ങളെ തിരികെ വിളിച്ചത്. ജോഷ് ബട്ലര് പോകുന്നത് രാജസ്ഥാന് റോയല്സിനും ഫില് സാള്ട്ട് പോകുന്നത് കൊല്ക്കത്ത നൈറ്റ്റൈഡേഴ്സിനും വില് ജാക്സ് പോകുന്നത് റോയല് ചലഞ്ചേഴ്സ് ബംഗളൂരുവിനുമാണ് വലിയ അടിയായി മാറുന്നത്.
നേരത്തെ സുനില് ഗാവസ്കറും ഇംഗ്ലണ്ട് താരങ്ങളുടെ മടങ്ങി പോക്കിനെ വിമര്ശിച്ചിരുന്നു. പ്രതിഫലം വെട്ടിക്കുറയ്ക്കുകയാണ് വേണ്ടതെന്നു ഗാവസ്കര് തുറന്നടിച്ചു. പിന്നാലെയാണ് ഇര്ഫാന് പഠാനും താരങ്ങള്ക്കെതിരെ രംഗത്തെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates