മുംബൈ: ഇന്ത്യന്‍ ഓള്‍റൗണ്ടര്‍ ക്രുനാല്‍ പാണ്ഡ്യക്ക് ആണ്‍കുഞ്ഞ്. ഞായറാഴ്ചയാണ് ക്രുനാല്‍ പാണ്ഡ്യ കുഞ്ഞിനും ഭാര്യ പങ്കുരി ശര്‍മയ്ക്കും ഒപ്പമുള്ള ഫോട്ടോ പങ്കുവെച്ചത്. 

കവിര്‍ ക്രുനാല്‍ പാണ്ഡ്യ എന്ന തലക്കെട്ടോടെയാണ് ക്രുനാല്‍ ചിത്രങ്ങള്‍ പങ്കുവെച്ചത്. ക്രിക്കറ്റ് ലോകത്ത് നിന്നും നിരവധി പേരാണ് ക്രുനാലിന് ആശംസ നേര്‍ന്ന് എത്തുന്നത്. 2017ലായിരുന്നു ക്രുനാലിന്റേയും പങ്കുരിയുടേയും വിവാഹം. 

ഇന്ത്യക്കായി 5 ഏകദിനമാണ് ക്രുനാല്‍ ഇതുവരെ കളിച്ചത്. നേടിയത് 130 റണ്‍സ്. 19 ട്വന്റി20യിലും ക്രുനാല്‍ ഇന്ത്യന്‍ കുപ്പായം അണിഞ്ഞു. ഐപിഎല്ലില്‍ കഴിഞ്ഞ സീസണില്‍ ലഖ്‌നൗ സൂപ്പര്‍ ജയന്റ്‌സ് ആണ് ക്രുനാലിനെ സ്വന്തമാക്കിയത്. കഴിഞ്ഞ സീസണില്‍ 14 കളിയില്‍ നിന്ന് 183 റണ്‍സും 10 വിക്കറ്റുമാണ് ക്രുനാല്‍ വീഴ്ത്തിയത്.

ഈ വാർത്ത കൂടി വായിക്കാം 

'എന്തും ചെയ്യാന്‍ തയ്യാര്‍', ഏഷ്യാ കപ്പും ലോകകപ്പും ജയിക്കുക ലക്ഷ്യമെന്ന് വിരാട് കോഹ്‌ലി

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ