കൊച്ചി: നിരവധി താരങ്ങൾ ക്ലബ് വിടുന്നതിനിടെ നിർണ്ണായക നീക്കവുമായി കേരള ബ്ലാസ്റ്റേഴ്‌സ്. ഇന്ത്യൻ മിഡ്‌ഫീൽഡർ റൗളിൻ ബോർഗസിനെ ബ്ലാസ്റ്റേഴ്‌സ് ക്ലബ്ബിൽ എത്തിച്ചു.വരാനിരിക്കുന്ന സീസണിന് മുന്നോടിയായുള്ള ഈ നീക്കം ടീമിന്റെ കരുത്ത് വർധിപ്പിക്കുമെന്നാണ് ക്ലബ് അധികൃതരുടെ വിലയിരുത്തൽ.

മുപ്പത്തിയൊന്നുകാരനായ ബോർഗസ് മധ്യനിരയിൽ കളി നിയന്ത്രിക്കാനും പ്രതിരോധത്തിലും ആക്രമണത്തിലും ഒരുപോലെ തിളങ്ങാനുമുള്ള കഴിവുള്ള താരമാണ് റൗളിൻ ബോർഗസ്. ടീമിൻ്റെ മധ്യനിരയുടെ കരുത്ത് വർധിപ്പിക്കാൻ റൗളിന്റെ സാന്നിധ്യം ടീമിനെ സഹായിക്കും.

"ലീഗിൽ ഇതിനോടകം തന്നെ കഴിവ് തെളിയിച്ച പ്രൊഫഷണൽ താരമാണ് റൗളിൻ. അദ്ദേഹത്തിൻ്റെ അനുഭവസമ്പത്തും നേതൃപാടവവും കളിയിലുള്ള വ്യക്തമായ ധാരണയും ഈ സീസണിൽ ഞങ്ങൾക്ക് ഏറെ പ്രധാനപ്പെട്ടതാണ്" എന്ന് റൗളിൻ ബോർഗസിനെക്കുറിച്ച് കേരളാ ബ്ലാസ്റ്റേഴ്‌സ് സി ഇ ഒ അഭിക് ചാറ്റർജി പറഞ്ഞു.

റൗളിൻ ഉടൻ തന്നെ ടീമിനൊപ്പം ചേരുകയും പുതിയ സീസണിനായുള്ള പരിശീലനം ആരംഭിക്കുകയും ചെയ്യുമെന്നും ക്ലബ് അധികൃതർ വ്യക്തമാക്കി.