കൊൽക്കത്ത: രണ്ട് തവണ ഐപിഎൽ ചാമ്പ്യൻന്മാരായ കൊൽക്കത്ത നൈറ്റ് റൈഡേഴ്സ് (കെകെആർ) വരാനിരിക്കുന്ന ഐപിഎൽ 2023ന് മുന്നോടിയായി താരങ്ങളുടെ പുതിയ ജേഴ്സി പുറത്തിറക്കി. ട്വിറ്ററിലൂടെ പങ്കുവെച്ച വിഡിയോയിലൂടെയാണ് ജേഴ്സി പുറത്തിറക്കിയത്.

വിഡിയോയിൽ ഓൾറൗണ്ടർ ആന്ദ്രെ റസ്സലിനൊപ്പം റിങ്കു സിംഗ്, വെങ്കിടേഷ് അയ്യർ തുടങ്ങിയ യുവ താരങ്ങളും അണിനിരന്നു. കഴിഞ്ഞ സീസണിൽ നിന്നും  കാര്യമായ മാറ്റമൊന്നുമില്ലാതെ ഗോൾഡ്, പർപ്പിൾ നിറത്തിൽ തന്നെയാണ് ടീമിന്റെ പുതിയ ജേഴ്‌സി.

ഏപ്രിൽ ഒന്നിന് മൊഹാലിയിൽ നടക്കുന്ന ഐപിഎൽ 2023യുടെ ആദ്യ കളിയിൽ  കൊൽക്കത്ത നൈറ്റ് റൈഡേഴ്സ് പഞ്ചാബ് കിങ്‌സിനെ നേരിടും. കഴിഞ്ഞ സീസണിൽ 14 കളികളിൽ നിന്നും 12 പോയിന്റ് നിലയിൽ പ്ലേഓഫ് കാണാതെ നൈറ്റ് റൈഡേഴ്സിന് മടങ്ങേണ്ടി വന്നു. ആറ് ജയവും എട്ട് തോൽപിയുമായി പട്ടികയിൽ ഏഴാം സ്ഥാനത്തായിരുന്നു കൊൽക്കത്ത നൈറ്റ് റൈഡേഴ്സ്.

ഈ വാര്‍ത്ത കൂടി വായിക്കൂ 

ചരിത്രത്തിലേക്കൊരു 'ഗ്രാന്‍ഡ് ഫിനാലെ'- മുംബൈ ഇന്ത്യന്‍സ്- ഡല്‍ഹി ക്യാപിറ്റല്‍സ് നേര്‍ക്കുനേര്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ