മ്യൂണിക്ക്: ജര്മന് കപ്പില് നിന്ന് നിലവിലെ ചാമ്പ്യന്മാരായ ബയേണ് മ്യൂണിക്കിന്റെ പുറത്താകല് ഞെട്ടിക്കുന്നതായിരുന്നു. രണ്ടാം ഡിവിഷന് ടീമായ ഹോള്സ്റ്റെയ്ന് കെയ്ലിനെതിരായ പോരാട്ടത്തില് പെനാല്റ്റി ഷൂട്ടൗട്ടില് 6-5നായിരുന്നു ബയേണിന്റെ തോല്വി. നിശ്ചിത സമയത്ത് ഇരു ടീമുകള് 2-2 എന്ന നിലയില് സമനിലയില് പിരിഞ്ഞതോടെയാണ് പോരാട്ടം ഷൂട്ടൗട്ടില് നിര്ണയിക്കപ്പെട്ടത്.
അതിനിടെ മത്സരത്തില് ബയേണ് താരം ലിറോയ് സനെ നേടിയ ഫ്രീകിക്ക് ഗോള് ഫുട്ബോള് ആരാധകര്ക്കിടയില് ചര്ച്ചയായി. നിശ്ചിത സമയത്ത് ബയേണിന് രണ്ടാം ഗോളിലൂടെ ലീഡ് സമ്മാനിച്ച ഗോളാണ് ശ്രദ്ധേയമായത്.
രണ്ടാം പകുതി തുടങ്ങി 47ാം മിനുട്ടിലാണ് ഈ ഫ്രീ കിക്കിന്റെ പിറവി. ബോക്സിന് തൊട്ടു പുറത്ത് നിന്ന് സനെ റോക്കറ്റ് വേഗത്തില് ഇടംകാല് കൊണ്ട് തൊടുത്ത ഷോട്ട് വളഞ്ഞ് ബോക്സിലേക്ക് ഇറങ്ങുകയായിരുന്നു.
ഈ ഗോളോടെ ബയേണ് ലീഡെടുത്തെങ്കിലും നിശ്ചിത സമയം തീരാന് നിമിഷങ്ങള് മാത്രമുള്ളപ്പോള് ഹോള്സ്റ്റെയ്ന് കെയ്ല് രണ്ടാം ഗോള് നേടി സമനില പിടിക്കുകയായിരുന്നു. പെനാല്റ്റി ഷൂട്ടൗട്ടില് ബയേണ് താരം മാക് റോക്കയ്ക്ക് ലക്ഷ്യം പിഴച്ചു. പിന്നാലെ ഹോള്സ്റ്റെയ്ന് കെയ്ല് താരം ഫിന് ബര്ടെല്സ് പന്ത് വലയിലെത്തിച്ചതോടെയാണ് അട്ടിമറി വിജയവുമായി രണ്ടാം ഡിവിഷന് ടീം ബയേണിനെ ഞെട്ടിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates