യൂറോയ്ക്ക് മുൻപ് നടന്ന ലോകകപ്പ് യോ​ഗ്യതാ മത്സരം മുതൽ വേട്ടയാടിയ സമനില കുരുക്ക് കോപ്പ അമേരിക്കയിലെ തങ്ങളുടെ രണ്ടാമത്തെ മത്സരത്തിൽ അർജന്റീന തകർത്തു. ഉറു​ഗ്വേയെ എതിരില്ലാത്ത ഒരു ​ഗോളിന് മെസിയും കൂട്ടരും തോൽപ്പിച്ചപ്പോൾ അവിടെ അർജന്റീനയുടെ വിജയ ​ഗോളിലേക്ക് വഴി വെച്ച മെസിയുടെ അസിസ്റ്റാണ് ആരാധകരുടെ മനം നിറയ്ക്കുന്നത്. 

13ാം മിനിറ്റിൽ കോർണർ കിക്കിൽ നിന്ന് മെസിയുടെ അസിസ്റ്റിലൂടെയാണ് അർജന്റീന ​ഗോൾ വല കുലുക്കിയത്. തന്റെ മുൻപിൽ നിന്ന് ഉറു​ഗ്വേയൻ താരത്തെ വിദ​ഗ്ധമായി മറികടന്ന് ലൈൻ കടന്ന് പന്ത് പുറത്തേക്ക് പോവുന്നതിന് മുൻപ്  ബാക്ക് പോസ്റ്റിലേക്ക് മെസിയുടെ ക്രോസ് എത്തി. ഇവിടെ റോഡ്രി​ഗസിന്റെ ​ഹെഡർ പോസ്റ്റിലിടിച്ച് ​ഗോൾവലയിലേക്ക് വീണു. 

ജയത്തോടെ സ്കലോനിയുടെ സംഘം തോൽവിയറിയാതെ 15 മത്സരങ്ങൾ പിന്നിട്ടു. മികച്ച കളിയല്ല ഉറു​ഗ്വേയ്ക്ക് എതിരെ അർജന്റീനിയിൽ നിന്ന് വന്നതെങ്കിലും കോപ്പ അമേരിക്ക പോയിന്റ് ടേബിളിൽ ചിലിക്കൊപ്പം അർജന്റീന സ്ഥാനം കണ്ടെത്തുകയും ചെയ്തു. ഉറു​ഗ്വേയ്ക്ക് എതിരായ അർജന്റീനയുടെ 90ാം ജയമാണ് ഇത്. 195മത്സരങ്ങൾ കളിച്ചപ്പോൾ ഉറു​ഗ്വേ അർജന്റീനക്കെതിരെ ജയിച്ചത് 59 വട്ടവും.