രാജ്‌കോട്ട്: സീനിയര്‍ വനിതാ ഏകദിന ക്രിക്കറ്റില്‍ വീണ്ടും വെടിക്കെട്ട് ബാറ്റിങ്. റെയില്‍വേസിനെതിരായ ക്വാര്‍ട്ടര്‍ പോരാട്ടത്തില്‍ മഹാരാഷ്ട്ര താരം കിരണ്‍ നവ്ഗിരെയാണ് കമ്പക്കെട്ടിന് തിരികൊളുത്തിയത്. കഴിഞ്ഞ ദിവസം ഇന്ത്യന്‍ ഓപ്പണര്‍ ഷെഫാലി വര്‍മ 115 പന്തില്‍ 194 റണ്‍സ് അടിച്ചിരുന്നു. പിന്നാലെയാണ് കിരണിന്റെ തീപ്പൊരി ബാറ്റിങ്.

താരം വെറും 25 പന്തുകള്‍ നേരിട്ട് അടിച്ചെടുത്തത് 64 റണ്‍സ്. ഇതില്‍ എട്ട് സിക്‌സുകളും ഒരു ഫോറും ഉള്‍പ്പെടുന്നു. ശേഷിക്കുന്ന റണ്‍സ് മാത്രമാണ് താരം ഓടിയെടുത്തത്.

'കുല്‍ദീപ് യാദവിന് വിസയില്ല', ചൈനാമാനെയും അക്ഷര്‍ പട്ടേലിനെയും എന്തുകൊണ്ട് വെട്ടി?; തനുഷ് ഇടം നേടാനുള്ള കാരണം വിശദീകരിച്ച് രോഹിത്

മത്സരത്തില്‍ ആദ്യം ബാറ്റിങിനു ഇറങ്ങിയ മഹാരാഷ്ട്ര 48.4 ഓവറില്‍ 254 റണ്‍സില്‍ എല്ലാവരും പുറത്തായി. സെമി ബെര്‍ത്ത് ലക്ഷ്യമിട്ട് റെയില്‍വേസ് ബാറ്റിങ് തുടരുന്നു.