സിഡ്‌നി: ഓസ്‌ട്രേലിയന്‍ വിക്കറ്റ് കീപ്പര്‍ ബാറ്റര്‍ മാത്യു വെയ്ഡ് അന്താരാഷ്ട്ര ക്രിക്കറ്റില്‍ നിന്നു വിരമിച്ചു. പിന്നാലെ താരം ഓസ്‌ട്രേലിയയുടെ കോച്ചിങ് സംഘത്തില്‍ ചേര്‍ന്നു. പാകിസ്ഥാനെതിരായ പരമ്പരയ്ക്കുള്ള ടീമിന്റെ പരിശീലന സംഘത്തില്‍ വെയ്ഡുമുണ്ടാകും.
36 ടെസ്റ്റുകളും 97 ഏകദിനങ്ങളും 92 ടി20 മത്സരങ്ങളും ഓസീസിനായി കളിച്ച താരമാണ് വെയ്ഡ്. 13 വര്‍ഷം നീണ്ട അന്താരാഷ്ട്ര കരിയറിനാണ് താരം തിരശ്ശീലയിട്ടത്.
അന്താരാഷ്ട്ര ക്രിക്കറ്റില്‍ നിന്നു വിരമിച്ചെങ്കിലും താരം ആഭ്യന്തര പോരാട്ടത്തില്‍ ടാസ്മാനിയക്കായി കളിക്കും. ഫ്രാഞ്ചൈസി ക്രിക്കറ്റിലും താരം കളി തുടരും.
ടെസ്റ്റില്‍ 4 സെഞ്ച്വറികളും 5 അര്‍ധ സെഞ്ച്വറികളും. 117 റണ്‍സ് മികച്ച സ്‌കോര്‍. ഏകദിനത്തില്‍ ഒരു സെഞ്ച്വറിയും 11 അര്‍ധ സെഞ്ച്വറിയും. 100 റണ്‍സാണ് മികച്ച സ്‌കോര്‍. ടി20യില്‍ 3 അര്‍ധ സെഞ്ച്വറികള്‍. 80 റണ്‍സ് ഉയര്‍ന്ന സ്‌കോര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates