സതാംപ്ടൺ: ലോക ടെസ്റ്റ് ചാമ്പ്യൻഷിപ്പ് ഫൈനലിൽ ന്യൂസിലാൻ‍ഡിനോട് തോറ്റതിന് പിന്നാലെ ഇന്ത്യൻ ആരാധകർക്കെതിരെ ഇം​ഗ്ലണ്ട് മുൻ നായകൻ മൈക്കൽ വോൺ. ക്ഷമാപണങ്ങൾ വേണ്ടി വന്നേക്കാം എന്നാണ് ഇന്ത്യൻ ആരാധകരെ ലക്ഷ്യം വെച്ച് വോൺ ട്വിറ്ററിൽ കുറിച്ചത്. 

ടെസ്റ്റ് ചാമ്പ്യൻഷിപ്പ് ഫൈനലിൽ ന്യൂസിലാൻഡ് ജയം പിടിക്കുമെന്ന് വോൺ പ്രവചിച്ചിരുന്നു. ഇതിനെതിരെ ഇന്ത്യൻ ആരാധകർ രം​ഗത്തെത്തുകയും ചെയ്തു. ഇതോടെയാണ് ന്യൂസിലാൻഡിന്റെ ജയത്തിന് പിന്നാലെ വോൺ എത്തുന്നത്. അന്ന് തനിക്കെതിരെ തിരഞ്ഞ ആരാധകർ ഇപ്പോൾ ക്ഷമ പറയേണ്ടി വരുമെന്നാണ് വോൺ പറയുന്നത്. 

മൈക്കൽ വോണിന് പുറമെ ഇം​ഗ്ലണ്ട് മുൻ നായകൻ അലസ്റ്റിയർ കുക്കും ന്യൂസിലാൻഡ് ജയിക്കുമെന്ന് പ്രവചിച്ചിരുന്നു. 2019 ലോകകപ്പിലും സമാനമായ പ്രവചനവുമായി വോൺ എത്തിയിരുന്നു. സെമി ഫൈനലിൽ ന്യൂസിലാൻഡിനെ ഇന്ത്യ നേരിടുന്നതിന് മുൻപായിരുന്നു പ്രവചനം. സെമിയിൽ ഇന്ത്യ തോൽക്കുകയും ചെയ്തു.