ഡെറാഡൂൺ: ദേശീയ ​ഗെയിംസിൽ കേരളത്തിനു വീണ്ടും സ്വർണത്തിളക്കം. വനിതകളുടെ തയ്ക്വാൻഡോയിൽ (67 കിലോ) കേരളത്തിന്റെ മാർ​ഗരറ്റ് മരിയ റെ‍ജി സ്വർണം സ്വന്തമാക്കി. ഇന്ന് ഏഴ് വെങ്കലം മെഡലുകളും കേരളം സ്വന്തമാക്കി.

അത്‍ലറ്റിക്സിന്റെ ആദ്യ ദിനത്തിൽ തന്നെ കെരളം മെഡലുകൾ നേടി. പുരുഷൻമാരുടെ ലോങ് ജംപിൽ സിവി അനുരാ​ഗാണ് അത്‍ലറ്റിക്സിലെ ആദ്യ മെഡൽ നേടിയത്. പിന്നാലെ വനിതാ പോൾ വാൾട്ടിൽ മരിയ ജോൺസനും പുരുഷ വിഭാ​ഗം ഡിസ്കസ് ത്രോയിൽ അലക്സ് പി തങ്കച്ചൻ എന്നിവരും വെങ്കലം നേടി.

നിധീഷിന് 5 വിക്കറ്റുകള്‍; രഞ്ജി ക്വാര്‍ട്ടറില്‍ ആദ്യ ദിനം കളി വരുതിയില്‍ നിര്‍ത്തി കേരളം

തയ്ക്വാൻഡോയിൽ ബി ശ്രീജിത്ത് (63 കിലോ താഴെ), മനു ജോർജ് (80 കിലോ) എന്നിവരും വനിതകളിൽ ശിവാങ്കി ചനംബവും (53 കിലോ താഴെ) കേരളത്തിനായി വെങ്കലം സ്വന്തമാക്കി. തയ്ക്വാൻഡോ ​ഗ്രൂപ്പ് വിഭാ​ഗത്തിലും കേരളത്തിനു വെങ്കലമുണ്ട്. കർണിക, സെബ, ലയ ഫാത്തിമ എന്നിവരടങ്ങിയ ടീമാണ് മെഡൽ സ്വന്തമാക്കിയത്.