ന്യൂഡല്ഹി: രണ്ടാം ട്വന്റി20യില് ബംഗ്ലാദേശിന് 222 റണ്സ് വിജയലക്ഷ്യം വച്ച് ഇന്ത്യ. നിശ്ചിത ഓവറില് 9 വിക്കറ്റ് നഷ്ടത്തിലാണ് ഇന്ത്യ 221 റണ്സ് സ്കോര് ചെയ്തത്. 34 പന്തില് നിന്ന് 74 റണ്സെടുത്ത നിതീഷ് റെഡ്ഡിയാണ് ഇന്ത്യയുടെ ടോപ് സ്കോറര്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് തുടക്കത്തില് തന്നെ സഞ്ജു സാംസണെ നഷ്ടമായി. ഏഴ് പന്തില് പത്ത് റണ്സെടുത്ത സഞ്ജു ഷാന്റോയുടെ പന്തില് പുറത്താകുകയായിരുന്നു. പിന്നാലെ 11 പന്തില് 15 റണ്സ് നേടിയ അഭിഷേക് ശര്മയും പുറത്തായി. 25 ന് രണ്ട് എന്ന നിലയിലായ ഇന്ത്യയെ നായകന് സൂര്യകുമാറും നിതീഷ് റെഡ്ഡിയും ചേര്ന്ന് സ്കോര് മുന്നോട്ട് കൊണ്ടുപോയെങ്കിലും എട്ട് റണ്സെടുത്ത് സൂര്യകുമാറും മടങ്ങി.
പിന്നീടെത്തിയ റിങ്കുസിങ്ങുമായി ചേര്ന്ന് നിതിഷ് റെഡ്ഡി സ്കോര് അതിവേഗം മുന്നോട്ട് നീക്കി. 10 ഓവറില് ഇന്ത്യ നൂറ് കടന്നു. സ്കോര് 149 ല് എത്തി നില്ക്കെ നിതിഷ് പുറത്തായി. പിന്നിടെത്തിയ ഹര്ദിക് പാണ്ഡ്യയും റിങ്കുസിങ്ങും(29 പന്തില് 53) സ്കോര് 185 ല് എത്തിച്ചു. റിങ്കുസിങ് പുറത്തായ ശേഷം ഹര്ദിക് പാണ്ഡ്യ ആക്രമണം ഏറ്റെടുത്തു. 19 പന്തില് നിന്ന് 32 റണ്സെടുത്ത പാണ്ഡ്യ മടങ്ങുമ്പോള് ഇന്ത്യ 214 ന് എട്ട് എന്ന നിലയിലായിരുന്നു. പിന്നീട് വാഷിങ് ടണ് സുന്ദറും വരുണ് ചക്രവര്ത്തിയും ചേര്ന്നാണ് ഇന്നിങ്സ് പൂര്ത്തിയാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates