ടൂറിന്‍: ഫുട്‌ബോള്‍ ചരിത്രത്തിലെ ഗോള്‍ വേട്ടയില്‍ ഒന്നാമതെത്തി യുവന്റ്‌സ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ. നാപ്പോളിയെ തോല്‍പ്പിച്ച് ഇറ്റാലിയന്‍ സൂപ്പര്‍ കപ്പ് ഉയര്‍ത്തിയ കളിയിലാണ് ക്രിസ്റ്റിയാനോ ചരിത്രമെഴുതിയത്.
759 കരിയര്‍ ഗോള്‍ എന്ന ജോസഫ് ബൈകനിന്റെ റെക്കോര്‍ഡ് ആണ് ക്രിസ്റ്റിയാനോ മറികടന്നത്. 760 കരിയര്‍ ഗോളുകളാണ് ഇപ്പോള്‍ ക്രിസ്റ്റിയാനോയുടെ പേരിലുള്ളത്. നാപ്പോളിക്കെതിരെ 64ാം മിനിറ്റില്‍ ഗോള്‍ വല കുലുക്കിയായിരുന്നു ക്രിസ്റ്റിയാനോയുടെ ആഘോഷം.
നിലവില്‍ മെസി മാത്രമാണ് ക്രിസ്റ്റിയാനോയുടെ റെക്കോര്‍ഡ് മറികടക്കാന്‍ പാകത്തില്‍ ഫുട്‌ബോള്‍ ലോകത്തിന് മുന്‍പിലുള്ളത്. അര്‍ജന്റീനിയന്‍ സൂപ്പര്‍ സ്റ്റാറിന്റെ പേരില്‍ ഇതുവരെയുള്ളത് 715 കരിയര്‍ ഗോളുകളാണ്. എന്നാല്‍ ക്രിസ്റ്റിയാനോയേക്കാള്‍ 150 മത്സരം കുറവാണ് മെസി കളിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates