ദുബായ്: മുംബൈ ഇന്ത്യന്‍സ് ഓള്‍റൗണ്ടര്‍ പൊള്ളാര്‍ഡ് തെരഞ്ഞെടുത്ത ടോപ് 5 ട്വന്റി20 കളിക്കാരുടെ പട്ടികയിലേക്കാണ് ഇപ്പോള്‍ ആരാധകരുടെ ശ്രദ്ധ. വിരാട് കോഹ്‌ലി, ബൂമ്ര, രോഹിത് ശര്‍മ ഉള്‍പ്പെടെയുള്ള താരങ്ങള്‍ പൊള്ളാര്‍ഡിന്റെ ടോപ് 5ല്‍ ഇടംപിടിച്ചില്ല. 

ക്രിസ് ഗെയ്ല്‍, മലിംഗ, സുനില്‍ നരെയ്ന്‍, എംഎസ് ധോനി എന്നിവരാണ് പൊള്ളാര്‍ഡിന്റെ പട്ടികയില്‍ ഇടം നേടിയത്. ട്വന്റി20 ലോകകപ്പിന്റെ ഭാഗമായി ഐസിസിയുമായുള്ള അഭിമുഖത്തിലാണ് പൊള്ളാര്‍ഡ് ടോപ് 5 ട്വന്റി20 താരങ്ങളെ തെരഞ്ഞെടുത്തത്. 

സ്വന്തം പേരും പൊള്ളാര്‍ഡ് ഇവിടെ ലിസ്റ്റില്‍ ഉള്‍പ്പെടുത്തുന്നു. ഇത് എന്റെ ലോക ട്വന്റി20 ഇലവന്‍ ആവുമ്പോള്‍ ഞാനും അതില്‍ ഉണ്ടാകണം. എനിക്കും കളിക്കേണ്ടതുണ്ട്. ട്വന്റി20യിലേക്ക് എത്തുമ്പോള്‍ എന്റെ റെക്കോര്‍ഡുകള്‍ തന്നെ സംസാരിക്കും, പൊള്ളാര്‍ഡ് പറഞ്ഞു.