ടോക്യോ: പാരാലിംപിക്‌സില്‍ ഇന്ത്യ ഹൈജമ്പില്‍ വെള്ളി. ടി64 വിഭാഗത്തില്‍ പ്രവീണ്‍ കുമാറാണ് വെള്ളി നേടിയത്. 

2.07 മീറ്റര്‍ ചാടിയാണ് 18കാരനായ പ്രവീണ്‍ കുമാര്‍ പാലാരിംപിക്‌സില്‍ വെള്ളി മെഡല്‍ സ്വന്തമാക്കിയത്. പ്രവീണ്‍ കുമാറിന്റെ നേട്ടത്തോടെ ടോക്യോ പാരാലിംപിക്‌സില്‍ ഇന്ത്യയുടെ അക്കൗണ്ടില്‍ 11 മെഡലുകളായി. 

മൂന്ന് ശ്രമത്തിലും 2.10മീ കണ്ടെത്താന്‍ പ്രവീണിന് കഴിഞ്ഞില്ല. എങ്കിലും തന്റെ ഏറ്റവും മികച്ച ദൂരവും ഏഷ്യന്‍ റെക്കോര്‍ഡും ഇവിടെ കണ്ടെത്തിയാണ് പ്രവീണ്‍ വെള്ളിയുമായി ടോക്യോയില്‍ നിന്ന് മടങ്ങുന്നത്. പ്രവീണിന്റെ കഠിനാധ്വാനത്തിന്റേയും സമര്‍പ്പണത്തിന്റേയും ഫലമാണ് ഈ മെഡല്‍ എന്ന് പ്രധാനമന്ത്രി പറഞ്ഞു.