മുംബൈ: രഞ്ജി ട്രോഫി സെമി ഫൈനലിന്റെ രണ്ടാം ഇന്നിങ്സില് മുംബൈ ഓപ്പണര് യശസ്വി ജയ്സ്വാള് ആദ്യ റണ് കണ്ടെത്തിയത് 53 ഡെലിവറികള് നേരിട്ട ശേഷം. മുംബൈ സ്കോര് 66 റണ്സില് എത്തിയപ്പോള് 64 റണ്സും സ്കോര് ചെയ്തത് മറുവശത്ത് നിന്ന പൃഥ്വി ഷായും.
മുംബൈയുടെ യുവ ഓപ്പണര്മാരുടെ സ്കോറിങ്ങാണ് ഇപ്പോള് ആരാധകരില് കൗതുകമാവുന്നത്. താന് നേരിട്ട 54ാമത്തെ പന്തില് ബൗണ്ടറി നേടിയാണ് യശസ്വി അക്കൗണ്ട് തുറന്നത്. പിന്നാലെ ഡ്രസ്സിങ് റൂമിന്റെ നേരെ യശസ്വി ബാറ്റ് ഉയര്ത്തി. ഡ്രസ്സിങ് റൂമില് നിന്ന് സഹതാരങ്ങള് കയ്യടിച്ച് അഭിനന്ദിക്കുകയും ചെയ്തു.
2008ല് ഇന്ത്യന് മുന് താരം രാഹുല് ദ്രാവിഡിന് സിഡ്നിയില് ആരാധകരും ഇത്തരത്തില് കയ്യടി നല്കിയിരുന്നു. അന്ന് 40 പന്തില് നിന്നാണ് ദ്രാവിഡ് ആദ്യ റണ്സ് കണ്ടെത്തിയത്. ദ്രാവിഡും അന്ന് കാണികള്ക്ക് നേരെ ബാറ്റ് ഉയര്ത്തി.
ഉത്തര്പ്രദേശിന് എതിരെ ഒന്നാം ഇന്നിങ്സില് യശസ്വി സെഞ്ചുറി നേടിയിരുന്നു. നാലാം ദിനം മുംബൈ ബാറ്റിങ് തുടരുമ്പോള് 139 പന്തില് നിന്ന് 43 റണ്സോടെയാണ് യശസ്വി ക്രീസില്. 363 റണ്സിന്റെ ലീഡാണ് മുംബൈക്കുള്ളത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates