​ഗുവാഹത്തി: പഞ്ചാബ് കിങ്സിനെതിരായ പോരാട്ടത്തിൽ രാജസ്ഥാൻ റോയൽസ് അഞ്ച് റൺസിന് പൊരുതി വീഴുകയായിരുന്നു. മത്സരത്തിൽ മധ്യ ഓവറുകളിലെ മെല്ലപ്പോക്കാണ് തിരിച്ചടിയായതെന്ന് ക്യാപ്റ്റൻ സഞ്ജു സാംസൺ വ്യക്തമാക്കിയിരുന്നു. മെല്ലപ്പോക്ക് ബാറ്റിങിന്റെ പേരിൽ ഇപ്പോഴിതാ രാജസ്ഥാന്റെ മലയാളി ബാറ്റർ ദേവ്ദത്ത് പടിക്കലിനെതിരെ ആരാധകർ തിരിഞ്ഞിരിക്കുകയാണ്. താരത്തിനെതിരെ കടുത്ത വിമർശനങ്ങളും ട്രോളുമൊക്കെയാണ് സാമൂഹിക മാധ്യമങ്ങൾ നിറയെ. 

മത്സരത്തിൽ 26 പന്തുകൾ നേരിട്ട് ദേവ്ദത്ത് 21 റൺസാണ് നേടിയത്. ഒരു ബൗണ്ടറി മാത്രമാണ് അടിക്കാൻ സാധിച്ചത്. താരത്തിന്റെ മെല്ലെപ്പോക്ക് സഞ്ജു അടക്കമുള്ള മറ്റു താരങ്ങളെ സമ്മർദ്ദത്തിലാക്കിയെന്ന് ആരാധകർ കുറ്റപ്പെടുത്തുന്നു. പഞ്ചാബിന്റെ ഓസീസ് പേസർ നതാൻ എല്ലിസിന്റെ പന്തിൽ ക്ലീൻ ബൗൾഡായാണ് താരം മടങ്ങിയത്. ആദ്യ പോരാട്ടത്തിലും താരത്തിന് തിളങ്ങാൻ സാധിച്ചില്ല. 

ഐപിഎല്ലിലെ രണ്ടാമത്തെ വലിയ തട്ടിപ്പുകാരനാണ് ദേവ്ദത്ത് പടിക്കല്‍. ആദ്യത്തെ ആള്‍ വിജയ് ശങ്കര്‍ ആണ് ഒരു ആരാധകന്‍ ട്വിറ്ററില്‍ കുറിച്ചു. പടിക്കലിനെ ഇറക്കി രാജസ്ഥാന്‍ നാലാം നമ്പര്‍ ബാറ്റിങ് സ്ഥാനത്തെ ഇങ്ങനെ പാഴാക്കുന്നത് എന്തിനാണ് എന്നായിരുന്നു മറ്റൊരു ആരാധകന്‍ രോഷത്തോടെ ചോദിച്ചത്. 

അതിനിടെ ഒരു റോയല്‍ ചലഞ്ചേഴ്‌സ് ആരാധകന്റെ ട്വീറ്റും ശ്രദ്ധേയമായി. യഥാര്‍ഥ ആര്‍സിബി രക്തം. അവന്‍ പ്രതികാരം തീര്‍ക്കുകയാണ്. ദേവ്ദത്ത് പടിക്കലിനെ ഓര്‍ത്ത് അഭിമാനമുണ്ട്. എന്നായിരുന്നു കുറിപ്പ്.

ഈ വാര്‍ത്ത കൂടി വായിക്കൂ 

'ജാഗ്രത, മുന്‍കരുതല്‍ വേണം'- ഐപിഎല്‍ ടീമുകള്‍ക്ക് കോവിഡ് മുന്നറിയിപ്പ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ