അഹമ്മദാബാദ്:  ഐപിഎൽ 2026 സീസണിലെ ഗുജറാത്ത് ടൈറ്റൻസ്–രാജസ്ഥാൻ റോയൽസ് മത്സരത്തിന് ശേഷം നടന്ന രസകരമായ സംഭവമാണ് ഇപ്പോൾ സോഷ്യൽ മീഡിയയിൽ വൈറൽ ആയി മാറിയിരിക്കുന്നത്. മത്സരത്തിൽ ഗുജറാത്ത് ടൈറ്റൻസിനെ 6 റണ്‍സിനാണ് രാജസ്ഥാന്‍ റോയൽസ് തോൽപ്പിച്ചത്. മത്സരത്തിന് ശേഷം താരങ്ങൾ ഡ്രസിങ് റൂമിലേക്ക് മടങ്ങുമ്പോൾ ഒരു റോബോട്ട് ഡോഗ് ഗ്രൗണ്ടിലേക്ക് എത്തി.

ഉടൻ തന്നെ രാജസ്ഥാൻ താരം രവീന്ദ്ര ജഡേജ റോബോട്ട് ഡോഗിനെ തൂക്കിയെടുത്ത് തോളിലിട്ടു. അതിന് ശേഷം റോബോട്ട് ഡോഗുമായി താരം ഡ്രസിങ് റൂമിലേക്ക് മടങ്ങുകയും ചെയ്തു.

എതിർ ടീമിലെ താരങ്ങൾക്ക് ഹസ്തദാനം നൽകുന്ന സമയത്തും താരത്തിന്റെ ചുമലിൽ റോബോട്ട് ഡോഗ് ഉണ്ടായിരുന്നു. ഇതിന്റെ ദൃശ്യങ്ങളാണ് ഇപ്പോൾ സാമൂഹിക മാധ്യമങ്ങളിൽ പ്രചരിക്കുന്നത്.