ബംഗലൂരു: ഐപിഎല്‍ 2025 സീസണില്‍ റോയല്‍ ചലഞ്ചേഴ്‌സ് ബംഗലൂരു ടീമിനെ ആരു നയിക്കുമെന്ന് ഇന്നറിയാം. പുതിയ ക്യാപ്റ്റനെ ടീം മാനേജ്‌മെന്റ് ഇന്ന് പ്രഖ്യാപിക്കും. വിരാട് കോഹ് ലി നായക പുതിയ സീസണില്‍ ടീമിനെ നയിക്കുമെന്നായിരുന്നു നേരത്തെ റിപ്പോര്‍ട്ടുകളുണ്ടായിരുന്നത്.

എന്നാല്‍ കോഹ് ലി നായകനായേക്കില്ലെന്നാണ് പുതിയ വാർത്തകൾ‍. ഇന്ത്യൻ താരം രജത് പട്ടീദാറിന്റെ പേരാണ് നായകസ്ഥാനത്തേക്ക് ഉയര്‍ന്നു കേള്‍ക്കുന്നത്. ഓള്‍റൗണ്ടര്‍ ക്രുണാള്‍ പാണ്ഡ്യയെയും ക്യാപ്റ്റന്‍ സ്ഥാനത്തേക്ക് പരിഗണിക്കുന്നുണ്ട്. ആഭ്യന്തര ക്രിക്കറ്റിൽ ബറോഡ ടീമിന്റെ നായകനാണ് ക്രുണാള്‍ പാണ്ഡ്യ.

2013 മുതല്‍ 2021 വരെ വിരാട് കോഹ്ലി ആര്‍സിബി ക്യാപ്റ്റനായിരുന്നിട്ടുണ്ട്. തുടര്‍ന്ന് ഫാഫ് ഡു പ്ലെസിസ് നായകസ്ഥാനം ഏറ്റെടുക്കുകയായിരുന്നു. ഈ സീസണില്‍ 40 കാരനായ ഡുപ്ലെയിസ് ഡല്‍ഹി ക്യാപിറ്റല്‍സിന് വേണ്ടിയാണ് കളിക്കുക.

റണ്‍മല കടക്കാനായില്ല; ഇംഗ്ലണ്ട് 214 റണ്‍സിന് പുറത്ത്, ഇന്ത്യയ്ക്ക് കൂറ്റന്‍ ജയം,പരമ്പര

വിരാട് കോഹ് ലി ആര്‍സിബിയെ 143 മത്സരങ്ങളില്‍ നയിച്ചിട്ടുണ്ട്. 68 ജയം, 70 തോല്‍വി, ഫലമില്ലാതെ നാല് എന്നിങ്ങനെയാണ് കോഹ് ലിയുടെ ക്യാപ്റ്റന്‍സി റെക്കോര്‍ഡ്. ആര്‍സിബിക്ക് ഇതുവരെ കിരീടം നേടാന്‍ സാധിച്ചിട്ടില്ല. ഇത്തവണ കിരീടം നേടണമെന്ന ലക്ഷ്യത്തോടെയാണ് ടീം തയ്യാറെടുപ്പ് നടത്തുന്നത്.