ന്യൂഡല്‍ഹി: വരുന്ന ഐപിഎല്ലില്‍ ഋഷഭ് പന്ത് ഡല്‍ഹി ക്യാപിറ്റല്‍സ് ടീമില്‍ ഉണ്ടാകില്ലേ? ഡല്‍ഹി ആരാധകരുടെ നെഞ്ചിടിപ്പേറ്റി ക്യാപ്റ്റന്‍ ഋഷഭ് പന്തിന്റെ അര്‍ധ രാത്രിയിലെ എക്‌സ് കുറിപ്പ്. കുറിപ്പ് സാമൂഹിക മാധ്യമങ്ങളില്‍ വൈറലായി മാറുകയും ചെയ്തു.

പുലര്‍ച്ചെ 12.26നു ഋഷഭ് ഇങ്ങനെ കുറിച്ചു- 'ലേലത്തില്‍ പോയാല്‍ എന്നെ ആരെങ്കിലും വിളിച്ചെടുക്കുമോ, അതോ ഇല്ലേ, എത്ര തുകയായിരിക്കും??'.

ജയിച്ച് ജര്‍മനി, ഹംഗറിയില്‍ കുരുങ്ങി നെതര്‍ലന്‍ഡ്‌സ്

കുറിപ്പിനു താഴെ ചില ആരാധകര്‍ രസകരമായി മറുപടി പറയുന്നുണ്ട്. ലേലത്തില്‍ പോയാല്‍ 20 കോടിക്ക് മുകളില്‍ കിട്ടും. ഒരു സംശയവും വേണ്ട എന്നായിരുന്നു ഒരു ആരാധകന്റെ പ്രതികരണം. വില നിര്‍ണയിക്കാന്‍ സാധിക്കാത്ത ഇതിഹാസമാണ് താങ്കള്‍ എന്നായിരുന്നു മറ്റൊരു കമന്റ്.

ന്യൂസിലന്‍ഡ്, ഓസ്‌ട്രേലിയ ടീമുകള്‍ക്കെതിരായ ടെസ്റ്റ് പരമ്പരയ്ക്കുള്ള ഒരുക്കത്തിലാണ് നിലവില്‍ ഋഷഭ് പന്ത്. നീണ്ട ഇടവേളയ്ക്ക് ശേഷം ഈയടുത്താണ് താരം ഇന്ത്യക്കായി ടെസ്റ്റില്‍ വീണ്ടും കളിക്കാനിറങ്ങിയത്. ബംഗ്ലാദേശിനെതിരായ പോരാട്ടത്തിലൂടെയായിരുന്നു തിരിച്ചു വരവ്.