സിഡ്‌നി: ഇന്ത്യ എയും ഓസ്ട്രേലിയ എയും തമ്മിലുള്ള ഒന്നാം ക്രിക്കറ്റ് ടെസ്റ്റില്‍ ഇന്ത്യക്ക് തകര്‍ച്ച. ഇന്ത്യ 6 വിക്കറ്റ് നഷ്ടത്തില്‍ 79 റണ്‍സെന്ന നിലയില്‍.
ടോസ് നേടി ഓസ്ട്രേലിയ ബൗളിങ് തിരഞ്ഞെടുക്കുകയായിരുന്നു. ഓപ്പണറും ക്യാപ്റ്റനുമായ ഋതുരാജ് ഗെയ്ക്‌വാദ് ഗോള്‍ഡന്‍ ഡക്കായി മടങ്ങിയത് ഇന്ത്യക്ക് തിരിച്ചടിയായി.
അഭിമന്യു ഈശ്വരന്‍ (7), ബാബ ഇന്ദ്രജിത് (9), സായ് സുദര്‍ശന്‍ (21) ദേവ്ദത്ത് പടിക്കല്‍ (36), ഇഷാന്‍ കിഷന്‍ (4) എന്നിവരാണ് പുറത്തായത്. നിതീഷ് കുമാര്‍, മാനവ് സുതര്‍ എന്നിവരാണ് ക്രീസില്‍.
ഓസീസിനായി ബ്രണ്ടന്‍ ഡോഗട്ട് മൂന്ന് വിക്കറ്റുകള്‍ വീഴ്ത്തി. ജോര്‍ദാന്‍ ബുക്കിങ്ഹാം രണ്ട് വിക്കറ്റുകള്‍ സ്വന്തമാക്കി. ടോഡ് മര്‍ഫി ഒരു വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates