അഡ്ലെയ്ഡ്: നാളെ ആരംഭിക്കുന്ന ഓസ്ട്രേലിയക്കെതിരായ രണ്ടാം ക്രിക്കറ്റ് ടെസ്റ്റില് ഇന്ത്യക്കായി കെഎല് രാഹുല്- യശസ്വി ജയ്സ്വാള് സഖ്യം ഓപ്പണ് ചെയ്യും. ക്യാപ്റ്രന് രോഹിത് ശര്മ ഇക്കാര്യത്തില് വ്യക്തത വരുത്തി.
ഓസ്ട്രേലിയക്കെതിരായ പെര്ത്തിലെ ഒന്നാം ടെസ്റ്റില് ഇന്ത്യക്കായി ഓപ്പണ് ചെയ്തത് കെഎല് രാഹുലും യശസ്വി ജയ്വാളുമായിരുന്നു. ആദ്യ ടെസ്റ്റില് രോഹിത് ശര്മയുടെ അഭാവത്തിലാണ് രാഹുല് ഓപ്പണറായി വന്നത്. ആദ്യ ടെസ്റ്റിന്റെ രണ്ടാം ഇന്നിങ്സില് സഖ്യം ക്ലിക്കാകുകയും ചെയ്തിരുന്നു.
നാളെ നടക്കുന്ന രണ്ടാം ടെസ്റ്റില് രോഹിത് ഇറങ്ങുന്നതോടെ ഓപ്പണിങ് സഖ്യം ആരായിരിക്കുമെന്ന ആകാംക്ഷയും ഉയര്ന്നു. ഇക്കാര്യത്തില് വ്യക്തത വരുത്തുകയാണ് രോഹിത്.
അഡ്ലെയ്ഡ് ടെസ്റ്റില് രാഹുല്- യശസ്വി സഖ്യമായിരിക്കും ഇന്ത്യക്കായി ഓപ്പണ് ചെയ്യുക എന്നു നായകന് വ്യക്തമാക്കി. രാഹുല് ഓപ്പണ് ചെയ്യും. താന് മധ്യനിരയില് ഏതെങ്കിലും സ്ഥാനത്തിറങ്ങുമെന്നു നായകന് വ്യക്തമാക്കി.
നാളെ മുതല് പകല്- രാത്രി പോരാട്ടമാണ് രണ്ടാം ടെസ്റ്റില് അരങ്ങേറുന്നത്. പിങ്ക് പന്തിലാണ് പോരാട്ടം. 5 മത്സരങ്ങളടങ്ങിയ പരമ്പരയില് ഇന്ത്യ 1-0ത്തിനു മുന്നില്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates