ന്യൂഡല്‍ഹി: ഇത്തവണ ടി20 ലോകകപ്പ് ഉയര്‍ത്താന്‍ ഏറ്റവും യോഗ്യന്‍ ഇന്ത്യന്‍ ക്യാപ്റ്റന്‍ രോഹിത് ശര്‍മയാണെന്ന് മുന്‍ പാകിസ്ഥാന്‍ ക്യാപ്റ്റന്‍ മുഹമ്മദ് ഹഫീസ്. ഓസ്‌ട്രേലിയക്ക് എതിരായ മത്സരത്തില്‍ രോഹിതിന്റെ പ്രകടനത്തെ അദ്ദേഹം വാനോളം പ്രശംസിക്കുകയും ചെയ്തു. മത്സരത്തില്‍ 41 പന്തില്‍ 92 റണ്‍സ് നേടിയ രോഹിതിന്റെ ഇന്നിങ്‌സാണ് വിജയത്തില്‍ നിര്‍ണായകമായത്. മത്സരത്തില്‍ ഇന്ത്യ 24 റണ്‍സിന് ജയിച്ചതോടെ ഓസ്‌ട്രേലിയ സെമി കാണാതെ പുറത്തായി.
അതൊരു രോഹിത് ഷോ ആയിരുന്നു. ഒരു ക്യാപ്റ്റന്റെ ഏറ്റവും മികച്ച ഇന്നിങ്‌സിന് ഞങ്ങള്‍ സാക്ഷ്യം വഹിച്ചെന്ന് ഹഫീസ് പറഞ്ഞു. രോഹിതിന്റെ നിസ്വാര്‍ഥതയാണ് അദ്ദേഹത്തിന്റെ മഹത്വത്തിന് കാരണം. അദ്ദേഹം മുന്നില്‍ നിന്ന് നയിച്ചതാണ് ഇന്ത്യന്‍ വിജയത്തില്‍ നിര്‍ണായകമായതെന്നും അദ്ദേഹം കൂട്ടിച്ചേര്‍ത്തു. കഴിഞ്ഞ ഏകദിന ലോകകപ്പിലും രോഹിതിന്റെ പ്രകടനം മികച്ചതായിരുന്നെന്ന് അദ്ദേഹം പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
രോഹിത് ഒരിക്കലും തന്റെ വ്യക്തിഗത നേട്ടത്തിനായി കളിക്കുന്നില്ല. സെഞ്ച്വറികള്‍ക്കും ഫിഫ്റ്റികള്‍ക്കുമായി അദ്ദേഹം കളിക്കുന്നില്ല,നൂറ് സെഞ്ച്വറികളേക്കാള്‍ ഒരു മത്സരം വിജയിപ്പിക്കുന്ന കളിക്കാരാനാകാനാണ് അയാള്‍ ആഗ്രഹിക്കുന്നത്. എപ്പോഴും അയാള്‍ ഓര്‍മിക്കപ്പെടുമെന്നും ഹഫീസ് പറഞ്ഞു. ഈ ലോകകപ്പ് നേടാന്‍ അര്‍ഹതയുള്ള ഒരേയൊരു വ്യക്തി രോഹിത് മാത്രമാണെന്നും ഹഫീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates