ന്യൂഡല്‍ഹി: ഇന്ത്യന്‍ ക്യാപ്റ്റന്‍ രോഹിത് ശര്‍മയുടെ ട്വിറ്റര്‍ അക്കൗണ്ട് ഹാക്ക് ചെയ്‌തോ? രോഹിത്തിന്റെ അക്കൗണ്ടില്‍ നിന്ന് വന്ന ട്വീറ്റുകള്‍ കണ്ടാണ് ആരാധകരുടെ ചോദ്യം. ട്രോള്‍ ട്വീറ്റുകളുമായാണ് ശിവരാത്രി ദിനം രോഹിത് ആരാധകരിലേക്ക് എത്തിയത്. 

ക്രിക്കറ്റ് ബോളുകള്‍ ഭക്ഷിക്കാവുന്നതാണ്...അല്ലേ? എന്നാണ് രോഹിത്തിന്റെ ട്വീറ്റുകളില്‍ ഒന്ന്. എനിക്ക് കോയിന്‍ ടോസുകള്‍ ഇഷ്ടമാണ്. പ്രത്യേകിച്ച് വയറിനുള്ളിലാവുമ്പോള്‍ എന്നാണ് മറ്റൊരു ട്വീറ്റ്. ഇതെല്ലാം കണ്ടാണ് രോഹിത്തിന്റെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടോ എന്ന ചോദ്യവുമായി ആരാധകര്‍ എത്തിയത്. 

ട്വിറ്ററില്‍ 20 മില്യണ്‍ ഫോളോവേഴ്‌സ് ആണ് രോഹിത്തിനുള്ളത്. ഇന്‍സ്റ്റഗ്രാമില്‍ 22.7 മില്യണ്‍ ഫോളോവേഴ്‌സും. സമൂഹമാധ്യമങ്ങളില്‍ ഏറ്റവും കൂടുതല്‍ ഫോളേവേഴ്‌സുള്ള താരം വിരാട് കോഹ്‌ലിയാണ്. 183 മില്യണ്‍ ഫോളോവേഴ്‌സ് ആണ് രോഹിത്തിനുള്ളത്.