ജയ്പുർ: ഐപിഎൽ പോരാട്ടം ആരംഭിക്കാനിരിക്കെ ടീമുകൾ പരിശീലനത്തിന്റെ ചൂടിലാണ്. മലയാളി താരവും രാജസ്ഥാൻ റോയൽസ് നായകനുമായ സഞ്ജു സാംസൺ ഹോം ​ഗ്രൗണ്ടായ സവായ് മാൻസിങ് സ്റ്റേഡിയത്തിൽ വെടിക്കെട്ട് ഷോട്ടുകളുമായി കളം നിറഞ്ഞു. രാജസ്ഥാൻ റോയൽസ് താരങ്ങളുടെ പരിശീലനത്തിന്റെ വീഡിയോ ടീം പുറത്തുവിട്ടിരുന്നു. ഇതിലാണ് സഞ്ജുവിന്റെ വെടിക്കെട്ട്. 

താരത്തിന്റെ ഷോട്ടുകൾ ​ഗാലറിയിൽ ആവേശം വിതറി. ഗാലറിയിൽ നിന്ന് ആരാധകർ സഞ്ജുവിന്റെ പേരു വിളിക്കുന്നതും വീഡിയോയിലുണ്ട്. ആരാധകർക്കൊപ്പം സെൽഫിയെടുത്തും ഓട്ടോഗ്രാഫ് നൽകിയുമാണു സഞ്ജു ഗ്രൗണ്ട് വിട്ടത്. 

ശ്രീലങ്കയ്ക്കെതിരായ ടി20 പരമ്പരയ്ക്കിടെ പരിക്കേറ്റ സഞ്ജു തിരിച്ചു വരവിനുള്ള ഒരുക്കത്തിലാണ്. ഇത്തവണ രാജസ്ഥാൻ റോയൽ മികച്ച പ്രകടനം നടത്തുമെന്ന പ്രതീക്ഷയിലാണ് ആരാധകർ.

ഈ വാര്‍ത്ത കൂടി വായിക്കൂ 

പാകിസ്ഥാനെ വീഴ്ത്തി പുതു ചരിത്രം; അട്ടിമറി വിജയം സ്വന്തമാക്കി അഫ്ഗാനിസ്ഥാന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ