ബിര്‍മിങ്ഹാം: കോമണ്‍വെല്‍ത്ത് ഗെയിംസ് ട്വന്റി20യില്‍ ഇന്ത്യയുടെ മിന്നും താരമാണ് പേസര്‍ രേണുക താക്കൂര്‍. ഗ്രൂപ്പ് ഘട്ടത്തില്‍ രണ്ട് വട്ടം നാല് വിക്കറ്റ് നേട്ടം തൊട്ടുകഴിഞ്ഞു രേണുക. സെമി ഉറപ്പിച്ചതിന് പിന്നാലെ ഇന്ത്യയുടെ സ്റ്റാര്‍ ബാഡ്മിന്റണ്‍ താരം പി വി സിന്ധു തന്നെ എത്രമാത്രം ആവേശത്തിലാക്കി എന്ന് പറയുകയാണ് രേണുക. 

സിന്ധുവിന്റെ മത്സരം കാണാന്‍ ഞങ്ങള്‍ പോയിരുന്നു. കടുത്ത പോരാട്ടമായിരുന്നു. സിന്ധുവിന്റെ കളി കണ്ട് രോമാഞ്ചമുണ്ടായി. കാണികളും ആവേശത്തിലായിരുന്നു. ഒരുപാട് ആസ്വദിക്കാന്‍ കഴിഞ്ഞു. പി വി സിന്ധുവിനെ നേരിട്ട് കാണുക എന്നത് സ്വപ്‌നമായിരുന്നു. അത് യാഥാര്‍ഥ്യമായി, ബിസിസിഐ പങ്കുവെച്ച വീഡിയോയില്‍ രേണുക പറയുന്നു. 

ഇന്ത്യന്‍ ടീമിന്റെ ഹോക്കി മത്സരവും കണ്ടു. നമ്മുടെ വനിതാ താരങ്ങളുടെ കഠിനാധ്വാനം അവരുടെ പ്രകടനത്തില്‍ നിന്ന് കാണാം എന്നും രേണുക പറഞ്ഞു. മറ്റ് ഇന്ത്യന്‍ താരങ്ങളുടെ പ്രകടനം സ്വര്‍ണം നേടാന്‍ തങ്ങളേയും പ്രചോദിപ്പിക്കുന്നതായാണ് ജെമിമ റോഡ്രിഗസ് പ്രതികരിച്ചത്. 

ശനിയാഴ്ചയാണ് ഇന്ത്യയുടെ സെമി ഫൈനല്‍ മത്സരം. ഇംഗ്ലണ്ട് ആണ് എതിരാളികള്‍. ആദ്യ സെമിയില്‍ ഓസ്‌ട്രേലിയയെ ന്യൂസിലന്‍ഡ് നേരിടും. ഇന്ത്യന്‍ സമയം രാത്രി 10.30നാണ് ഇന്ത്യയുടെ മത്സരം.

ഈ വാര്‍ത്ത കൂടി വായിക്കൂ

കോമണ്‍വെല്‍ത്ത് ഗെയിംസ്; സ്വര്‍ണം ലക്ഷ്യമിട്ട് ബജ്‌റംഗ് പൂനിയ; ഫൈനല്‍ ഉറപ്പിക്കാന്‍ വനിതാ ഹോക്കി ടീം; എട്ടാം ദിനത്തിലെ ഷെഡ്യൂള്‍ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ