ടോക്യോ: പാരാലിംപിക്‌സില്‍ ഇന്ത്യക്ക് മറ്റൊരു മെഡല്‍ കൂടി. ഷൂട്ടിങ്ങിലാണ് ഇന്ത്യ വെങ്കല മെഡല്‍ നേടിയത്. പുരുഷന്മാരുടെ 10 മീറ്റര്‍ എയര്‍ പിസ്റ്റള്‍ എസ്എച്ച് 1 വിഭാഗത്തില്‍ സിംഗ് രാജ് അദാനയാണ് മെഡലിലേക്ക് എത്തിയത്. 

216.8 എന്ന സ്‌കോറോടെയാണ് സിംഗ് രാജ് സിങ് വെങ്കല നേട്ടത്തിലേക്ക് എത്തിയത്. ഈ ഇനത്തില്‍ സ്വര്‍ണവും വെള്ളിയും ചൈനീസ് താരങ്ങള്‍ക്കാണ്. ഇതോടെ ടോക്യോ പാരാലിംപിക്‌സിലെ ഇന്ത്യയുടെ മെഡല്‍ നേട്ടം എട്ടായി. രണ്ട് സ്വര്‍ണവും നാല് വെള്ളിയും രണ്ട് വെങ്കലവുമാണ് ഇപ്പോള്‍ ഇന്ത്യയുടെ അക്കൗണ്ടിലുള്ളത്. 

എഫ് 64 പുരുഷ വിഭാഗം ജാവലിന്‍ ത്രോയില്‍ ഇന്ത്യയുടെ സുമിത് അന്റിലും 10 മീറ്റര്‍ ഷൂട്ടിങ്ങില്‍ ഇന്ത്യയുടെ അവനി ലെഖാരയുമാണ് കഴിഞ്ഞ ദിവസം സ്വര്‍ണം നേടിയത്. ലോക റെക്കോര്‍ഡോടെയായിരുന്നു അവനിയുടെ സ്വര്‍ണ നേട്ടം.