കിങ്സ്ടൗണ്: ടി20 ലോകകപ്പില് ബംഗ്ലാദേശിനെതിരെ നെതര്ലന്ഡ്സിന് 160 റണ്സ് വിജയലക്ഷ്യം. നിര്ണായക മത്സരത്തില് ഷാകിബ് അല് ഹസന്റെ അര്ധ സെഞ്ച്വറിയുടെ മികവില് 20 ഓവറില് അഞ്ചു വിക്കറ്റ് നഷ്ടത്തിലാണ് ബംഗ്ലാദേശ് 159 റണ്സ് സ്കോര് ചെയ്തത്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബംഗ്ലാദേശിന് ക്യാപ്റ്റന് നജ്മുല് ഹുസൈന് ഷാന്റോ (1), ലിറ്റന് ദാസ് (1) എന്നിവരെ തുടക്കത്തിലേ നഷ്ടമായിരുന്നു. ഷാകിബ് 46 പന്തില് 64* റണ്സുമായി പുറത്താവാതെ നിന്നപ്പോള് തന്സിദ് ഹസന്, മഹമദ് ഉല്ല എന്നിവര് മികച്ച പിന്തുണയേകി. തന്സിദ് ഹസന് 26 പന്തില് നിന്ന് 35 റണ്സെടുത്തു. 21 പന്തുകള് നേരിട്ട മഹമദ് ഉല്ല രണ്ടു വീതം സിക്സും ഫോറുമടക്കം 25 റണ്സെടുത്തു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
14-ാം ഓവറില് ഷാകിബ്, മഹമ്മദുള്ള സഖ്യം ബംഗ്ലാദേശിനെ 100 കടത്തി. 18-ാം ഓവറില് പോളിനെ പറത്താന് ശ്രമിച്ച് മഹമ്മദുള്ള (21 പന്തില് 25) വീണു. അവസാന ഓവറില് ബംഗ്ലാദേശിനെ ഷാകിബ് 150 കടത്തി. 7 പന്തില് 14* റണ്സുമായി ജാകര് അലിയും പുറത്താവാതെ നിന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates