മുംബൈ: ഇന്ത്യന്‍ ക്രിക്കറ്റ് ടീം ബംഗ്ലാദേശില്‍ പര്യടനം നടത്തും. ഓഗസ്റ്റിലാണ് പര്യടനം. വൈറ്റ് ബോള്‍ പരമ്പരയാണ് ഇന്ത്യ കളിക്കുന്നത്. പര്യടനത്തില്‍ മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് ഉള്‍പ്പെടുത്തിയത്.

ഓഗസ്റ്റ് 17നു ഏകദിന പരമ്പരയോടെയാണ് പര്യടനം തുടങ്ങുന്നത്. രണ്ടാം ഏകദിനം 20നും മൂന്നാം ഏകദിനം 23നും അരങ്ങേറും. ഓഗസ്റ്റ് 26നാണ് ആദ്യ ടി20 പോരാട്ടം. 29നു രണ്ടാം മത്സരവും 31നു മൂന്നാം പോരാട്ടവും അരങ്ങേറും.

6 വര്‍ഷത്തെ ഇടവേള, ധോനി പ്ലെയർ ഓഫ് ദി മാച്ച്! അപൂര്‍വ റെക്കോര്‍ഡും

ആറ് കളികളിൽ നാല് മത്സരങ്ങൾ മിർപുരിലെ ഷേർ ബം​ഗ്ലാ സ്റ്റേഡിയത്തിലാണ് അരങ്ങേറുന്നത്. ശേഷിച്ച രണ്ട് മത്സരങ്ങൾ ചിറ്റ​ഗോങിലും അരങ്ങേറും.

2014നു ശേഷം ആദ്യമായാണ് ഇന്ത്യ പരിമിത ഓവർ പോരാട്ടത്തിനായി ബം​ഗ്ലാദേശിലേക്ക് പര്യടനം നടത്തുന്നത്. ബം​ഗ്ലാ മണ്ണിൽ ആദ്യമായി ഇന്ത്യ ടി20 കളിക്കാനിറങ്ങുന്നു എന്ന പ്രത്യേകതയും പര്യടനത്തിനുണ്ട്.