36 വര്ഷത്തെ കാത്തിരിപ്പിനൊടുവില് കിരീടത്തില് മുത്തമിട്ടതിന്റെ സന്തോഷത്തില് നിന്നാണ് അര്ജന്റീന ക്രിസ്മസ് ആഘോഷിക്കുന്നത്. ലോകം ക്രിസ്മസ് ആഘോഷിക്കുമ്പോള് കൗതുകം നിറച്ചൊരു വീഡിയോയുമാണ് അര്ജന്റീന ഫുട്ബോള് ടീം എത്തുന്നത്.
ക്രിസ്മസ് ട്രീക്കൊപ്പമുള്ള സമ്മാന പൊതികണ്ട് ഓടിയെത്തുന്ന കുരുന്നു. തുറന്ന് നോക്കുമ്പോള് ലോക കിരീടം. നന്ദി പാപ്പ നോയല് എന്നാണ് കിരീടത്തില് മുത്തമിട്ട് കുട്ടി പറയുന്നത്. അര്ജന്റീനയില് സാന്റാ ക്ലോസിനെ പാപ്പ നോയല് എന്നാണ് പറയുന്നത്.
നന്ദി പാപ്പ ലയണല്! ഏറ്റവും വിലപിടിപ്പുള്ള സമ്മാനം വീട്ടിലെത്തി കഴിഞ്ഞു. എല്ലാ അര്ജന്റൈന് ജനതയ്ക്കും അഭിനന്ദനങ്ങള്, വീഡിയോ പങ്കുവെച്ച് അര്ജന്റൈന് ഫുട്ബോള് ടീം ട്വിറ്ററില് കുറിച്ചത് ഇങ്ങനെ.
ഖത്തറിലെ ലുസൈല് സ്റ്റേഡിയത്തില് നടന്ന ലോകകപ്പ് ഫൈനലില് പെനാല്റ്റി ഷൂട്ടൗട്ടില് 4-2നാണ് മെസിയും സംഘവും ജയിച്ചു കയറിയത്. മെസി കളിയില് രണ്ട് വട്ടം വല കുലുക്കിയപ്പോള് ഏയ്ഞ്ചല് ഡി മരിയയും ഗോള് നേടി. ടൂര്ണമെന്റിലെ താരമായും മെസി മാറി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates