ക്രൈസ്റ്റ്ചര്ച്ച്: ലോക ടെസ്റ്റ് ചാമ്പ്യഷിപ്പ് ഫൈനല്‍ ജയത്തിന് പിന്നാലെ ന്യൂസിലാന്‍ഡ് ക്രിക്കറ്റ് ടീമിന്റെ ആഘോഷങ്ങള്‍ അവസാനിക്കുന്നില്ല. രാജ്യം മുഴുവന്‍ ചുറ്റുന്ന ഒരു ആഴ്ച നീണ്ടു നില്‍ക്കുന്ന പര്യടനമാണ്‌ കിവീസ് ടീമിന് മുന്‍പില്‍ നില്‍ക്കുന്നത്.
ജൂലൈ 26നാണ് ടീമിന്റെ കിരീടവുമായുള്ള പര്യടനം ആരംഭിക്കുന്നത്. ഓഗസ്റ്റ് ഒന്നിന് അവസാനവും. ഒക്ലാന്‍ഡിലെ ഈഡന്‍ പാര്‍ക്ക്, ഹാമില്‍ട്ടന്‍, ന്യൂ പ്ലൈമൗത്ത്, വെല്ലിങ്ടണ്‍, ക്രൈസ്റ്റ്ചര്ച്ച്, ഡ്യൂന്‍ഡിന്‍ എന്നിവിടങ്ങളിലേക്ക് ടീം എത്തും.
കെയ്ന്‍ വില്യംസണ്‍, കയില്‍ ജാമിസണ്‍. ഡെവോണ്‍ കോണ്‍വേ, ഗ്രാന്‍ഡ്‌ഹോം എന്നിവര്‍ ടീമിന്റെ യാത്രയില്‍ ഭാഗമാവില്ല. ഇവര്‍ കൗണ്ടി കളിക്കാനും ദി ഹണ്‍ട്രഡ് ടൂര്‍ണമെന്റിന്റെ ഭാഗമാവാനുമായി യുകെയിലാണ്.
സീനിയര്‍ സീമര്‍ ടിം സൗത്തിയാണ് യാത്രക്ക് പച്ചക്കൊടി വീശുക. ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ എട്ട് വിക്കറ്റിനാണ് കിവീസ് ഇന്ത്യയെ തോല്‍പ്പിച്ചത്. ടോസ് നേടിയ കിവീസ് ഇന്ത്യയെ ബാറ്റിങ്ങിന് അയക്കുകയായിരുന്നു.
എന്നാല്‍ ജാമിസണിന്റെ ബൗളിങ് മികവില്‍ ഇന്ത്യ 217 റണ്‍സിന് ഓള്‍ഔട്ടായി. വില്യംസണിന്റെ ചെറുത്ത് നില്‍പ്പിന്റെ ബലത്തില്‍ ന്യൂസിലാന്‍ഡ് 249 റണ്‍സിലെത്തി. എന്നാല്‍ രണ്ടാം ഇന്നിങ്‌സില്‍ 170 റണ്‍സിന് ഇന്ത്യന്‍ ഇന്നിങ്‌സ് അവസാനിച്ചതോടെ കിവീസ് കിരീടത്തിലേക്കുള്ള യാത്ര അനായാസമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates