ലണ്ടന്: വിറ്റാലിറ്റി ബ്ലാസ്റ്റില് ജോ റൂട്ടില് നിന്ന് വന്ന സ്പോര്ട്സ്മാന് സ്പിരിറ്റിന് കയ്യടിച്ച് ക്രിക്കറ്റ് ലോകം. സിംഗിളിനായി ഓടുന്നതിന് ഇടയില് പരിക്കേറ്റ് ഗ്രൗണ്ടില് വീണ ബാറ്റ്സ്മാനെ റണ്ഔട്ട് ആക്കാന് ശ്രമിക്കുന്നതില് നിന്ന് പിന്മാറുകയായിരുന്നു റൂട്ടിന്റെ ടീം.
വിറ്റാലിറ്റി ബ്ലാസ്റ്റില് യോര്ക്ഷയറും ലാന്കഷയറും തമ്മിലുള്ള മത്സരത്തിലാണ് സംഭവം. സിംഗിളിനായി ഓടുന്നതിന് ഇടയില് ലാന്കഷയറിന്റെ സ്റ്റീവന് ക്രോഫ്റ്റ് കാലിന് പരിക്കേറ്റ് വേദനകൊണ്ട് ഗ്രൗണ്ടിലേക്ക് വീഴുകയായിരുന്നു.
യോര്ക്ഷയര് വിക്കറ്റ് കീപ്പറിന്റെ കയ്യിലേക്ക് പന്ത് എത്തുമ്പോഴും സ്റ്റീവന് ക്രോഫ്റ്റ് പിച്ചിന്റെ മധ്യത്തില് എഴുന്നേല്ക്കാനാവാതെ കിടന്നു. ഈ സമയം യോര്ക്ഷയര് വിക്കറ്റ് കീപ്പറിലേക്ക് പന്ത് നല്കിയെങ്കിലും സ്റ്റംപ് ചെയ്യേണ്ടതില്ലെന്നാണ് റൂട്ട് നിര്ദേശിച്ചത്.
ലാന്ക്ഷയര് ഇന്നിങ്സിന്റെ 18ാം ഓവറിലാണ് സംഭവം. ഈ സമയം അവര്ക്ക് 18 പന്തില് നിന്ന് ജയിക്കാന് വേണ്ടിയത് 15 റണ്സ്. അഞ്ച് വിക്കറ്റാണ് കയ്യിലുണ്ടായത്. എന്നിട്ടും വിക്കറ്റ് വീഴ്ത്താനുള്ള അവസരം റൂട്ടിന്റെ ടീം വേണ്ടെന്ന് വെച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates