ന്യൂഡൽഹി: രാജസ്ഥാനെതിരായ കളിയിൽ ഇഷൻ കിഷനെ ഒഴിവാക്കി ഇറങ്ങിയ മുംബൈ ഇന്ത്യൻസ് നീക്കത്തെ വിമർശിച്ച് ബ്രയാൻ ലാറ. അതേ മാനദണ്ഡം നോക്കുകയാണെങ്കിൽ ഡികോക്കിനേയും പ്ലേയിങ് ഇലവനിൽ നിന്ന് ഒഴിവാക്കണമായിരുന്നു എന്ന് ലാറ പറഞ്ഞു. 

ചെന്നൈയിൽ ടീമിലെ എല്ലാവരും പ്രയാസപ്പെട്ടതാണ്. എല്ലാവർക്കും വീണ്ടും ഒരു അവസരം കൂടി നൽകണം. ഡികോക്കിന്റെ കാര്യം എടുത്താൽ, ലിൻ റൺസ് സ്കോർ ചെയ്തിട്ടും ഡികോക്കിന് വേണ്ടി നിങ്ങൾ ലിന്നിന് വീണ്ടും അവസരം നൽകിയില്ല, ലാറ ചൂണ്ടിക്കാണിച്ചു. 2, 40, 2, 3 എന്നിങ്ങനെയാണ് കഴിഞ്ഞ കളികളിലെ ഡികോക്കിന്റെ സ്കോർ.

ഞാൻ ആയിരുന്നു എങ്കിൽ കിഷനെ ടീമിൽ ഉൾപ്പെടുത്തുമായിരുന്നു.ഒരു അവസരം കൂടി നൽകിയാൽ എന്താണ് അവന്റെ ഫോം എന്ന് വ്യക്തനാവും. തന്റെ ദിനത്തിൽ മാച്ച് വിന്നറാവുന്ന താരമാണ് കിഷൻ എന്നും ലാറ പറഞ്ഞു. മുംബൈക്ക് വേണ്ടി സീസണിൽ 5 മത്സരങ്ങൾ കളിച്ച ഇഷാൻ കിഷന് 7 റൺസ് മാത്രമാണ് നേടാനായത്.

ബാറ്റിങ് ശരാശരി 14.60. സ്ട്രൈക്ക്റേറ്റ് 82.95. പഞ്ചാബിന് എതിരെ മൂന്നാം സ്ഥാനത്തേക്ക് കയറ്റിയാണ് ഇഷാനെ മുംബൈ ഇറക്കിയത്. എന്നാൽ നേടാനായത് ആറ് റൺസ് മാത്രം.