ലണ്ടന്‍: ഈ സീസണില്‍ പ്രീമിയര്‍ ലീഗില്‍ ആഴ്‌സണല്‍ വന്‍ മുന്നേറ്റം നടത്തുമെന്ന പ്രവചനവുമായി ബ്രസീല്‍ ഇതിഹാസ താരം റൊണാള്‍ഡിഞ്ഞോ. പ്രീമിയര്‍ ലീഗില്‍ ആഴ്‌സണല്‍ ടോപ് 4ല്‍ ഫിനിഷ് ചെയ്യും എന്നാണ് റൊണാള്‍ഡിഞ്ഞോ പറയുന്നത്.
പുതിയ കളിക്കാരെ സ്വന്തമാക്കിയത് വെച്ച് നോക്കുമ്പോള്‍ ആഴ്‌സണല്‍ ഈ സീസണില്‍ ടോപ് 4ലേക്ക് എത്തും. അതിലും വലിയ നേട്ടം അവര്‍ക്ക് സ്വന്തമാക്കാനും കിരീട പോരില്‍ വെല്ലുവിളി ഉയര്‍ത്താനും കഴിയും. മാഞ്ചസ്റ്റര്‍ സിറ്റി കരുത്തരാണ്. അവരാണ് ഫേവറിറ്റുകള്‍. എന്നാല്‍ ഫുട്‌ബോളില്‍ എന്തും സാധ്യമാണ്, റൊണാള്‍ഡിഞ്ഞോ പറഞ്ഞു.
സമ്മര്‍ ട്രാന്‍സ്ഫര്‍ വിന്‍ഡോയിലൂടെ 5 കളിക്കാര്‍
2016-17 സീസണിന് ശേഷം ആഴ്‌സണല്‍ ചാമ്പ്യന്‍സ് ലീഗ് കളിച്ചിട്ടില്ല. കഴിഞ്ഞ സീസണില്‍ ടോപ് നാലിലെ സ്ഥാനം നേരിയ വ്യത്യാസത്തിലാണ് ആഴ്‌സണലിന് നഷ്ടമായത്. ആഴ്‌സണലിനെ വീഴ്ത്തി ടോട്ടനം ടോപ് 4ലേക്ക് എത്തി.
സമ്മര്‍ ട്രാന്‍സ്ഫര്‍ വിന്‍ഡോയിലൂടെ 5 കളിക്കാരെയാണ് ആഴ്‌സണല്‍ സ്വന്തമാക്കിയത്. ഇതില്‍ മാഞ്ചസ്റ്റര്‍ സിറ്റിയില്‍ നിന്ന് എത്തിയ ഗബ്രിയേല്‍ ജെസ്യൂസ്‌, സിന്‍ചെങ്കോ എന്നിവരുടെ സാന്നിധ്യമാണ് നിര്‍ണായകമാവാന്‍ പോകുന്നത്. സീസണില്‍ തുടരെ രണ്ട് ജയവുമായാണ് ആഴ്‌സണല്‍ തുടങ്ങിയത്. ക്രിസ്റ്റല്‍ പാലസിനെ എതിരില്ലാത്ത രണ്ട് ഗോളിനും ലെസ്റ്റര്‍ സിറ്റിയെ 4-2നും വീഴ്ത്തി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates