മുംബൈ: 2025ല് ഗൂഗിളില് ഏറ്റവും കൂടുതല് ആരാധകര് തിരഞ്ഞ സ്പോര്ട്സ് ടീം പാരിസ് സെന്റ് ജെര്മെയ്ന് (പിഎസ്ജി) ഫുട്ബോള് ടീമാണ്. ചരിത്രത്തിലാദ്യമായി അവര് യുവേഫ ചാംപ്യന്സ് ലീഗ് കിരീടം സ്വന്തമാക്കിയത് ഇത്തവണയാണ്.
ആരാധകര് ഏറ്റവും കൂടുതല് തിരഞ്ഞ ഐപിഎല് ടീം ഏതായിരിക്കും? ചരിത്രത്തിലാദ്യമായി ഐപിഎല് കിരീടം നേടിയ റോയല് ചലഞ്ചേഴ്സ് ബംഗളൂരു ടീം എന്നായിരിക്കും ആദ്യം മനസില് വന്നിട്ടുണ്ടാകുക. എന്നാല് ആര്സിബി അല്ല ഏറ്റവും കൂടുതല് സെര്ച്ച് ചെയ്യപ്പെട്ടത്. മുംബൈ ഇന്ത്യന്സ്, ചെന്നൈ സൂപ്പര് കിങ്സ് ടീമുകളും അല്ല. പഞ്ചാബ് കിങ്സ് ടീമാണ് ഗൂഗിളില് ആളുകള് ഏറ്റവും കൂടുതല് തിരഞ്ഞ ഐപിഎല് ടീം.
ആര്സിബി കപ്പടിച്ചപ്പോള് പഞ്ചാബാണ് ഇത്തവണ റണ്ണേഴ്സ്അപ്പായത്. ലോകത്തെ മൊത്തം കണക്കില് പിഎസ്ജി ഒന്നാം സ്ഥാനത്ത് നില്ക്കുമ്പോള് ബെന്ഫിക്കയാണ് രണ്ടാമതുള്ളത്. മൂന്നാം സ്ഥാനത്ത് ടൊറന്റോ ബ്ലു ജയ്സാണ്. ഈ പട്ടികയില് പഞ്ചാബ് നാലാം സ്ഥാനത്തുണ്ട്. ഐപിഎല്ലില് രണ്ടാമത് ഏറ്റവും കൂടുതല് സെര്ച്ച് ചെയ്യപ്പെട്ട ടീം ഡല്ഹി ക്യാപിറ്റല്സാണ്. മൊത്തം പട്ടികയില് ഡല്ഹി അഞ്ചാം സ്ഥാനത്തും എത്തി.
ഫിഫ ക്ലബ് ലോകകപ്പാണ് ഏറ്റവും കൂടുതല് ആരാധകര് തിരഞ്ഞ കായിക പോരാട്ടം. ഏഷ്യാ കപ്പ് രണ്ടാമതും ഐസിസി ചാംപ്യന്സ് ട്രോഫി മൂന്നാമതും ഐസിസി വനിതാ ലോകകപ്പ് നാലാം സ്ഥാനത്തുമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates