ദുബായ്: ഐപിഎല്‍ മാതൃകയില്‍ ഫ്രാഞ്ചൈസി ക്രിക്കറ്റ് പോരാട്ടവുമായി എമിറേറ്റ്‌സ് ക്രിക്കറ്റ് ബോര്‍ഡ്. 2023 ജനുവരി ആറ് മുതല്‍ ഫെബ്രുവരി 12 വരെ അന്താരാഷ്ട്ര ലീഗ് ടി20 (ഐഎല്‍ടി20) പോരാട്ടങ്ങള്‍ അരങ്ങേറും.
ആറ് ടീമുകളാണ് ടൂര്‍ണമെന്റില്‍ പങ്കെടുക്കുന്നത്. ഐപിഎല്‍ ഫ്രാഞ്ചൈസികള്‍ സ്വന്തമായുള്ള വമ്പന്‍മാര്‍ ഐഎല്‍ടി20 ടീമുകളെ സ്വന്തമാക്കും. ആറ് ഫ്രാഞ്ചൈസികളില്‍ അഞ്ചും ഇന്ത്യന്‍ കമ്പനികളുടെ ഉടമസ്ഥതയിലുള്ളതാണ്.
മുംബൈ ഇന്ത്യന്‍സ് ഉടമകളായ റിലയന്‍സ് ഇന്‍ഡസ്ട്രീസ്, ഷാരൂഖ് ഖാന്‍ ഉടമസ്ഥതയിലുള്ള കൊല്‍ക്കത്ത നൈറ്റ്‌റൈഡേഴ്‌സ്, ഡല്‍ഹി ക്യാപിറ്റല്‍സ് ടീമിന്റെ സഹ ഉടമകളായ ജിഎംആര്‍, അദാനി സ്‌പോര്‍ട്‌ലൈന്‍, മാഞ്ചസ്റ്റര്‍ യുനൈറ്റഡിന്റെ ഉടമകളായ ഗ്ലസര്‍ ഫാമിലി, കാപ്രി ഗ്ലോബല്‍ എന്നിവരാണ് ടീമുകളെ ഇറക്കുന്നത്. എല്ലാവരേയും സ്വാഗതം ചെയ്യുന്നതായി എമിറേറ്റ്‌സ് ക്രിക്കറ്റ് ബോര്‍ഡ് ചെയര്‍മാന്‍ ഷെയ്ഖ് നഹ്യാന്‍ മബാറക് അല്‍ നഹ്യാന്‍ വ്യക്തമാക്കി.
ഗള്‍ഫ് രാജ്യങ്ങളിലെ താരങ്ങള്‍ക്ക് അന്താരാഷ്ട്ര തലത്തില്‍ മുന്നേറാനുള്ള അവസരം കൂടിയായാണ് ടൂര്‍ണമെന്റ് സംഘടിപ്പിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates