നാഗ്പുര്: ഇംഗ്ലണ്ടിനെതിരായ പരമ്പരയില് ഏകദിന അരങ്ങേറ്റം കുറിക്കാനൊരുങ്ങുകയാണ് സ്പിന്നര് വരുണ് ചക്രവര്ത്തി. നേരത്തെ വരുണ് ഏകദിന ടീമല് ഇടം നേടിയിരുന്നില്ല.ടി20 പരമ്പരയിലെ 14 വിക്കറ്റ് നേട്ടമാണ് താരത്തെ അപ്രതീക്ഷിതമായി ഏകദിന ടീമിലേക്കെത്തിച്ചത്. പരമ്പരയിലെ ആദ്യ മത്സരത്തിന് മുമ്പ് പരിശീലനത്തിനിടെയും താരം തന്റെ ഫോം വീണ്ടെടുത്തു.
പരമ്പരയിലെ ആദ്യ മത്സരത്തിന് മുമ്പ് വിദര്ഭ ക്രിക്കറ്റ് മൈതാനത്ത് പരിശീലനത്തിനിറങ്ങിയ താരം ഇന്ത്യന് താരങ്ങളെ വരെ വലയ്ക്കുന്ന പന്തുകളാണ് എറിഞ്ഞത്. സോഷ്യല് മീഡിയയില് പുറത്തുവന്ന വിഡിയോയില് ഇന്ത്യന് യുവതാരം യശ്വസി ജയ്സ്വാളിനെ വരുണ് വിക്കറ്റിന് മുന്നില് കുടുക്കിയതും കാണാം.
ഇന്ത്യയ്ക്ക് നിലവില് 3 ഫിംഗള് സ്പിന്നേഴ്സാണുള്ളത്. ഇടം കൈയ്യന് സ്പിന്നര്മാരായ രവീന്ദ്ര ജഡേജയും അക്ഷര് പട്ടേലും ഒരു വലംകൈയ്യന് സ്പിന്നര് വാഷിങ് ടണ് സുന്ദറും. പരിക്കിനെ തുടര്ന്ന് ശസ്ത്രക്രിയയ്ക്ക് വിധേയനായ കുല്ദീപ് യാദവ് ടീമിലേക്ക് തിരിച്ചുവരുമെന്നാണ് പ്രതീക്ഷ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates