ന്യൂഡൽഹി: ​ഗുസ്തി താരങ്ങളായ ബജ്റം​ഗ് പുനിയ, വിനേഷ് ഫോ​ഗട്ട് എന്നിവർക്ക് വിദേശത്ത് പരിശീലനത്തിനു അനുമതി നൽകി കേന്ദ്ര സർക്കാർ. ഇരുവർക്കും കിർ​ഗിസ്ഥാനും ഹം​ഗറിയിലുമാണ് പരിശീലനം. ഇതിന്റെ ചെലവ് കേന്ദ്ര സർക്കാർ വഹിക്കും. ഏഷ്യൻ ​ഗെയിംസും ലോക ചാമ്പ്യൻഷിപ്പും ലക്ഷ്യമിട്ടാണ് പരിശീലനം. 

ജൂലൈ ഒന്ന് മുതൽ ഓ​ഗസ്റ്റ് അഞ്ച് വരെ ബജ്റം​ഗ് പുനിയ കിർ​ഗിസ്ഥാനിൽ പരിശീലനം നടത്തും. വിനേഷ് തുടക്കത്തിൽ കിർ​ഗിസ്ഥാനിലും പിന്നീട് ഹം​ഗറിയിലെ ബുഡാപെസ്റ്റിലും പരിശീലനം തുടരും. 

ഇരുവരും നൽകിയ അപേക്ഷയിൽ 24 മണിക്കൂറിനകം തീരുമാനമെടുത്തതായി കായിക മന്ത്രി അനുരാ​ഗ് ഠാക്കൂർ വ്യക്തമാക്കി. ഇരുവരും ജൂലൈ ആദ്യം പരിശീലനത്തിനായി വിദേശത്തേക്ക് യാത്ര തിരിക്കുമെന്നും റിപ്പോർട്ടുകളുണ്ട്.  

ബിജെപി എംപിയും ​ഗുസ്തി ഫെഡറേഷൻ മുൻ അധ്യക്ഷനുമായ ബ്രിജ് ഭൂഷൻ ശരൺ സിങിനെതിരെ ലൈം​ഗിക അതിക്രമ പരാതിയിൽ നടപടി ആവശ്യപ്പെട്ടു ഇരുവരും സമര രം​ഗത്ത് സജീവമായിരുന്നു. 

കേന്ദ്ര കായിക മന്ത്രി ​ഗുസ്തി താരങ്ങളുമായി ചർച്ച നടത്തി 15നു മുൻപ് കുറ്റപത്രം സമർപ്പിക്കുമെന്ന് ധാരണയായിരുന്നു. നിലവിൽ സമരം താത്കാലികമായി നിർത്തിവച്ചിരിക്കുകയാണ്. 

ഈ വാര്‍ത്ത കൂടി വായിക്കൂ  

സ്മിത്തിന്റെ ശതകം, രണ്ട് അര്‍ധ സെഞ്ച്വറികള്‍; ആഷസില്‍ ഓസ്‌ട്രേലിയ 416ന് പുറത്ത്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ