പെര്‍ത്ത്: ബോര്‍ഡര്‍ ഗാവസ്‌കര്‍ ട്രോഫിയിലെ ആദ്യ മത്സരത്തിന് പിന്നാലെ കോഹ്‌ലിയെ പുകഴ്ത്തി ബുംറ. കോഹ്‌ലിക്ക് ടീമിന്റെ പിന്തുണ ആവശ്യമില്ലെന്നും കോഹ്‌ലിയുടെ പിന്തുണ ടീമിനാണ് ആവശ്യമെന്നും ബുംറ പറഞ്ഞു. മത്സരത്തില്‍ ആദ്യ ഇന്നിങ്‌സില്‍ 150 റണ്‍സിന് ഇന്ത്യ പുറത്തായെങ്കിലും രണ്ടാം ഇന്നിങ്‌സില്‍ വന്‍തിരിച്ചുവരവാണ് നടത്തിയത്. ഓസീസിനെതിരെ ഇന്ത്യ 295 റണ്‍സിന്റെ തകര്‍പ്പന്‍ ജയം നേടിയപ്പോള്‍ കോഹ്‌ലിയുടെ 30 ആം ടെസ്റ്റ് സെഞ്ച്വറിയും നിര്‍ണായകമായിരുന്നു.
'വിരാട് കോഹ്‌ലിക്ക് ഞങ്ങളെ ആവശ്യമില്ല, എന്നാല്‍ ഞങ്ങള്‍ക്ക് അദ്ദേഹത്തെ ആവശ്യമാണ്. പരിചയസമ്പന്നനായ പ്ലെയറാണ് കോഹ്‌ലി, ഓസ്‌ട്രേലിയയില്‍ കോഹ്‌ലിയുടെ നാലാമത്തെയോ അഞ്ചാമത്തെയോ പര്യടനമാണ്. അതിനാല്‍, മറ്റാരേക്കാളും അദ്ദേഹത്തിന് തന്റെ കളിയെ കുറിച്ച് അറിയാം,' മത്സരത്തിന് ശേഷമുള്ള പത്രസമ്മേളനത്തില്‍ ബുംറ പറഞ്ഞു.
മത്സരത്തിലെ ആദ്യ ഇന്നിങ്‌സില്‍ ഇന്ത്യ കുറഞ്ഞ സ്‌കോറില്‍ പുറത്തായെങ്കിലും ഡ്രസ്സിങ് റൂമില്‍ ഇത് ബാധിച്ചില്ല. ആര്‍ക്കും വിഷമം തോന്നിയില്ല. അതായിരുന്നു ഏറ്റവും വലിയ പോസിറ്റീവ് കാര്യം ബുംറ പറഞ്ഞു. ഡിസംബര്‍ 6 ന് അഡ്ലെയ്ഡില്‍ ഓസ്ട്രേലിയക്കെതിരായ രണ്ടാം ടെസ്റ്റ് ആരംഭിക്കുകയാണ്, ആദ്യ മത്സരത്തിലെ ജയം ആത്മവിശ്വാസം നല്‍കുന്നുണ്ടെങ്കിലും രണ്ടാം ടെസ്റ്റില്‍ എല്ലാം പുതുതായി തുടങ്ങണം. അഡ്ലെയ്ഡിലും കൂടുതല്‍ പാഠങ്ങളുണ്ട്,' ബുംറ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates